ಟಿ20 ವಿಶ್ವಕಪ್‌: ಕೇನ್‌ ವಿಲಿಯಮ್ಸನ್‌ ನಾಯಕತ್ವದ ನ್ಯೂಜಿಲೆಂಡ್‌ ತಂಡ ಪ್ರಕಟ

•   Mon, Apr 29 2024 06:26:28 PM



• ವೆಲ್ಲಿಂಗ್ಟನ್‌, ಏ.2(DaijiworldNews/AK): ವೆಸ್ಟ್ ಇಂಡೀಸ್ ಮತ್ತು ಅಮೆರಿಕ ಆಥಿತ್ಯದಲ್ಲಿ ಜೂನ್‌ ತಿಂಗಳಲ್ಲಿ ನಡೆಯಲಿರುವ 2024ರ ಟಿ20 ವಿಶ್ವಕಪ್‌ಗೆ ನ್ಯೂಜಿಲೆಂಡ್‌ ಕೇನ್‌ ವಿಲಿಯಮ್ಸನ್‌ ನಾಯಕತ್ವದಲ್ಲಿ ಬಲಿಷ್ಠ ತಂಡವನ್ನು ಪ್ರಕಟಿಸಿದೆ.

  ನ್ಯೂಜಿಲ್ಯಾಂಡ್​​ನ ಆಯ್ಕೆದಾರ ಸ್ಯಾಮ್ ವೆಲ್ಸ್ ಬಹಿರಂಗಪಡಿಸಿದ ಅಧಿಕೃತ ತಂಡದ ಪ್ರಕಟಣೆಯಲ್ಲಿ, ಕೇನ್ ವಿಲಿಯಮ್ಸನ್ ನಾಯಕನಾಗಿ ತಮ್ಮ 4ನೇ ಟಿ20 ವಿಶ್ವಕಪ್​ನಲ್ಲಿ ತಂಡವನ್ನು ಮುನ್ನಡೆಸಲಿದ್ದಾರೆ. ಒಟ್ಟಾರೆ ವಿಲಿಯಮ್ಸನ್‌ 6 ಬಾರಿ ಟಿ20 ವಿಶ್ವಕಪ್‌ ಟೂರ್ನಿಯಲ್ಲಿ ಆಡಿದ್ದಾರೆ.

  ಟಿ20 ವಿಶ್ವಕಪ್ ನಲ್ಲಿ ಕೇನ್‌ ವಿಲಿಯಮ್ಸನ್, ಫಿನ್‌ ಅಲೆನ್, ಟ್ರೆಂಟ್‌ ಬೌಲ್ಟ್, ಮೈಕಲ್‌ ಬ್ರೇಸ್‌ವೆಲ್, ಚಾಪ್‌ಮನ್, ಡಿವೋನ್‌ ಕಾನ್ವೆ, ಲಾಕಿ ಫರ್ಗೂಸನ್‌, ಹೆನ್ರಿ, ಡೇರಿಲ್ ಮಿಚೆಲ್, ನೀಶಮ್, ಗ್ಲೆನ್‌ ಫಿಲಿಪ್ಸ್, ರಚಿನ್‌ ರವೀಂದ್ರ, ಮಿಚೆಲ್‌ ಸ್ಯಾಂಟ್ನರ್, ಸೋಧಿ, ಟಿಮ್‌ ಸೌಥಿ ತಂಡದಲ್ಲಿದ್ದಾರೆ.

  ಕೇನ್‌ ವಿಲಿಯಮ್ಸನ್‌ ಅವರು 4 ಬಾರಿ ಟಿ20 ವಿಶ್ವಕಪ್‌ನಲ್ಲಿ ತಂಡವನ್ನ ಮುನ್ನಡೆಸಿದ್ದಾರೆ. ಅವರ ನಾಯಕತ್ವದಲ್ಲಿ ಕಿವೀಸ್‌ ತಂಡವು 2016 ಮತ್ತು 2022ರಲ್ಲಿ ಸೆಮಿ ಫೈನಲ್‌ ಪ್ರವೇಶಿಸಿತ್ತು. 2021ರಲ್ಲಿ ಒಮ್ಮೆ ಫೈನಲ್‌ ಪ್ರವೇಶಿಸಿತ್ತು.