ಐಪಿಎಲ್ 2024: ತುಳುನಾಡಿನ ಕುವರ ರಾಜಸ್ಥಾನ ರಾಯಲ್ಸ್ ಸೇರ್ಪಡೆ

•   Sat, Mar 23 2024 05:01:21 PM



• ಮಂಗಳೂರು, ಮಾ 23(DaijiworldNews/AA): ಐಪಿಎಲ್‌ 17ನೇ ಆವೃತ್ತಿ ಆರಂಭವಾಗಿದ್ದು, ಈ ಬಾರಿಯ ರಾಜಸ್ಥಾನ ರಾಯಲ್ಸ್ ತಂಡಕ್ಕೆ ತುಳುನಾಡಿನ ಕುವರ ರಣಜಿ ಸ್ಟಾರ್ ತನುಷ್ ಕೋಟ್ಯಾನ್ ಅವರು ಸೇರ್ಪಡೆಗೊಂಡಿದ್ದಾರೆ.

  ಆರ್‌ಆರ್‌ ತಂಡದ ಸ್ಟಾರ್ ಆಟಗಾರ ಆಡಮ್ ಝಂಪಾ ಅವರು ಈ ಬಾರಿಯ ಐಪಿಎಲ್ ನಿಂದ ಹೊರಗುಳಿಯಲು ನಿರ್ಧಾರ ಮಾಡಿದ್ದಾರೆ. ಇದೀಗ ಅವರ ಸ್ಥಾನವನ್ನು ಮುಂಬೈನ ರಣಜಿ ಟ್ರೋಫಿ ಹೀರೋ ಮತ್ತು ಸ್ಟಾರ್ ಆಲ್‌ರೌಂಡರ್ ತನುಷ್ ಕೋಟ್ಯಾನ್ ತುಂಬಲಿದ್ದಾರೆ.

  ಇತ್ತೀಚೆಗೆ ಮುಕ್ತಾಯಗೊಂಡ ರಣಜಿ ಟ್ರೋಫಿ 2023-24 ಋತುವಿನಲ್ಲಿ, ತನುಷ್ ಕೋಟ್ಯಾನ್ ಅವರು ಆಡಿದ 10 ಪಂದ್ಯಗಳಿಂದ 29 ವಿಕೆಟ್ ಗಳನ್ನು ಹಾಗೂ 502 ರನ್ ಗಳನ್ನು ಗಳಿಸಿದ್ದರು. ಈ ಮೂಲಕ ಮುಂಬೈ ತಂಡದ ಸ್ಟಾರ್ ಆಟಗಾರರಲ್ಲಿ ಒಬ್ಬರಾಗಿದ್ದರು. ಇದೀಗ ತನುಷ್ ಕೋಟ್ಯಾನ್ ಅವರ ಸಾಮರ್ಥ್ಯವನ್ನು ರಾಜಸ್ಥಾನವು ಗುರುತಿಸಿ ಅವರನ್ನು 20 ಲಕ್ಷ ರೂ. ಮೂಲ ಬೆಲೆಗೆ ಪಡೆದುಕೊಂಡಿದೆ.