ಕೊಹ್ಲಿ ಅವರ ಬದಲಾದ ಲುಕ್‌ ಜೊತೆಗೆ ಆರ್​ಸಿಬಿ ತಂಡದ ಅದೃಷ್ಟ ಕೂಡ ಬದಲಾಗಲಿದೆಯಾ?

•   Tue, Mar 19 2024 03:33:10 PM



• ಬೆಂಗಳೂರು, ಮಾ 19(DaijiworldNews/AA): ಐಪಿಎಲ್ ಸೀಸನ್ 17 ಆರಂಭಕ್ಕೆ ಇನ್ನೇನು ಕೆಲವೇ ದಿನಗಳು ಬಾಕಿ ಉಳಿದಿದ್ದು, ಪಂದ್ಯ ಆರಂಭಕ್ಕೂ ಮುನ್ನ ಆರ್​ಸಿಬಿ ತಂಡದ ನಾಯಕ ವಿರಾಟ್ ಕೊಹ್ಲಿ ಅವರು ತಮ್ಮ ಲುಕ್ ಬದಲಿಸಿಕೊಂಡಿದ್ದಾರೆ. ಈ ಸೀಸನ್ ಅಲ್ಲಿ ಕೊಹ್ಲಿ ಹೊಸ ಲುಕ್ ನಲ್ಲಿ ಕಾಣಿಸಿಕೊಳ್ಳುವ ಮೂಲಕ ಆರ್​ಸಿಬಿಯ ಲಕ್ ಬದಲಾಗುತ್ತಾ ಎಂದು ಕಾದುನೋಡಬೇಕಿದೆ.

  ಈ ಆವೃತ್ತಿಯಲ್ಲಿ ಕಿಂಗ್ ಕೊಹ್ಲಿ ತಮ್ಮ ಹೇರ್​ ಸ್ಟೈಲ್ ಬದಲಿಸಿಕೊಂಡು ಪೂರ್ತಿ ಡಿಫರೆಂಟ್ ಆಗಿ ಕಾಣಿಸಿಕೊಳ್ಳುತ್ತಿದ್ದಾರೆ. ಇದೀಗ ಕೊಹ್ಲಿ ಅವರ ಈ ನ್ಯೂ ಹೇರ್​ಸ್ಟೈಲ್ ಫೋಟೋಗಳು ಸಾಮಾಜಿಕ ಜಾಲತಾಣದಲ್ಲಿ ಸಖತ್ ವೈರಲ್ ಆಗುತ್ತಿದ್ದು, ಕೊಹ್ಲಿ ಅವರ ಹೇರ್​ಸ್ಟೈಲ್ ಜೊತೆಗೆ ಆರ್​ಸಿಬಿ ತಂಡದ ಅದೃಷ್ಟ ಕೂಡ ಬದಲಾಗಲಿದೆಯಾ ಎಂಬ ಚರ್ಚೆಗಳು ಪ್ರಾರಂಭವಾಗಿದೆ.

  ಕೊಹ್ಲಿ ಕಳೆದ 16 ಸೀಸನ್​ಗಳಿಂದ ಆರ್​ಸಿಬಿ ಪರ ಆಟವಾಡುತ್ತಿದ್ದು, ತಾವು ಆಡಿದ 237 ಪಂದ್ಯಗಳಲ್ಲಿ 7263 ರನ್ ಗಳಿಸಿರುತ್ತಾರೆ. ಆದರೆ ಇನ್ನೂ ಆರ್​ಸಿಬಿ ಪಾಲಿಗೆ, ಕೊಹ್ಲಿ ಪಾಲಿಗೆ ಐಪಿಎಲ್ ಟ್ರೋಫಿ ಕನಸಾಗಿಯೇ ಉಳಿದಿದೆ. ಆದರೆ ಆರ್​ಸಿಬಿ ಪಾಲಿಗೆ ಮರೀಚಿಕೆಯಾಗಿರುವ ಐಪಿಎಲ್ ಕಪ್ ಅನ್ನು ಈ ಬಾರಿ ಆರ್​ಸಿಬಿ ಗೆಲ್ಲಲಿದೆಯೇ ಎಂದು ಕಾದುನೋಡಬೇಕಿದೆ.