ಟಿ20 ವಿಶ್ವಕಪ್ 2024: ಡಿಸ್ನಿ ಹಾಟ್‌ಸ್ಟಾರ್‌ನಲ್ಲಿ ಉಚಿತ ಪ್ರಸಾರ

•   Wed, Mar 06 2024 07:39:26 PM



• ಹೊಸದಿಲ್ಲಿ, ಮಾ 06(DaijiworldNews/SK): ಮೊಬೈಲ್‌ನಲ್ಲಿ ಟಿ20 ಕ್ರಿಕೆಟ್ ನೋಡುವ ಅಭಿಮಾನಿಗಳಿಗೆ ಈ ವರ್ಷದ ನಡೆಯಲಿರುವ ಐಸಿಸಿ ಟಿ20 ವಿಶ್ವಕಪ್ ಕ್ರಿಕೆಟ್ ಪಂದ್ಯಗಳನ್ನು ಉಚಿತವಾಗಿ ನೇರ ಪ್ರಸಾರ ಮಾಡುವುದಾಗಿ ಡಿಸ್ನಿ ಹಾಟ್​ಸ್ಟಾರ್ ಘೋಷಣೆ ಮಾಡಿದೆ.

  ಈ ಬಗ್ಗೆ ಸಾಮಾಜಿಕ ಜಾಲತಾಣ ಎಕ್ಸ್ ನಲ್ಲಿ ಮಾಹಿತಿ ಹಂಚಿಕೊಂಡಿರುವ ಜನಪ್ರಿಯ OTT ಪ್ಲಾಟ್‌ಫಾರಂ ಡಿಸ್ನಿ+ಹಾಟ್‌ಸ್ಟಾರ್‌ ಇಲ್ಲಿಯವರೆಗೆ ಡಿಸ್ನಿ ಹಾಟ್‍ಸ್ಟಾರ್‌ನಲ್ಲಿ (Disney+ Hotstar) ಲೈವ್ ಕ್ರಿಕೆಟ್ ನೋಡಬೇಕಾದರೆ ಸಬ್‍ಸ್ಕ್ರೈಬ್ ಮಾಡಬೇಕಿತ್ತು. ಇನ್ನು ಮುಂದೆ ಈ ಸೌಲಭ್ಯವು ಮೊಬೈಲ್ ಬಳಕೆದಾರರಿಗೆ ಉಚಿತವಾಗಿ ಸಿಗಲಿದ್ದು, ಸಬ್‍ಸ್ಕ್ರೈಬ್ ಮಾಡುವ ಅಗತ್ಯವಿಲ್ಲ.

  ಆದರೆ ನೀವು ಲಾಪ್​ಟಾಪ್ ಅಥವಾ ಟಿವಿಯಲ್ಲಿ ಹಾಟ್​ಸ್ಟಾರ್ ಬಳಸುತ್ತಿದ್ದರೆ ಫ್ರೀ ಲೈವ್ ಸ್ಟ್ರೀಮಿಂಗ್ ಇರುವುದಿಲ್ಲ. ಬದಲಾಗಿ ರಿಜಾರ್ಜ್​ ಮಾಡಬೇಕಾಗುತ್ತದೆ ಎಂದು ಡಿಸ್ನಿ ಹಾಟ್​ಸ್ಟಾರ್ ತಿಳಿಸಿದೆ.