ದಕ್ಷಿಣ ಆಫ್ರಿಕಾ ವಿರುದ್ಧ ಸತತ ಎರಡನೇ ಬಾರಿಗೆ ಸೆಂಚುರಿ ಬಾರಿಸಿದ ಕೆ.ಎಲ್ ರಾಹುಲ್

•   Wed, Dec 27 2023 05:30:00 PM



• ಸೆಂಚುರಿಯನ್‌, ಡಿ 27 (DaijiworldNews/SK): ಭಾರತ ತಂಡದ ವಿಕೆಟ್​ಕೀಪರ್ ಬ್ಯಾಟರ್ ಕೆ.ಎಲ್ ರಾಹುಲ್ ಸೆಂಚುರಿಯನ್ ನಲ್ಲಿ ನಡೆಯುತ್ತಿರುವ ಮೊದಲ ಟೆಸ್ಟ್ ಪಂದ್ಯದಲ್ಲಿ ದಕ್ಷಿಣ ಆಫ್ರಿಕಾ ವಿರುದ್ಧ ಸತತ ಎರಡನೇ ಬಾರಿಗೆ ಸೆಂಚುರಿ ಬಾರಿಸುವ ಮೂಲಕ ಅದ್ಭುತ ಸಾಧನೆ ಮಾಡಿದ್ದಾರೆ.

  ಬ್ಯಾಟಿಂಗ್‌ನಲ್ಲಿ ಮಧ್ಯಮ ಕ್ರಮಾಂಕದ ಆಟಗಾರರಾಗಿರುವ ಕೆ.ಎಲ್ ರಾಹುಲ್, ಆರನೇ ಕ್ರಮಾಂಕದಲ್ಲಿ ಬ್ಯಾಟಿಂಗ್ ಮಾಡಿ 137 ಎಸೆತಗಳಲ್ಲಿ 14 ಬೌಂಡರಿ ಹಾಗೂ 4 ಸಿಕ್ಸರ್ ಗಳಿಸುವ ಮೂಲಕ 101 ರನ್ ಗಳನ್ನು ಕಲೆ ಹಾಕಿದರು. ಈ ಮೂಲಕ ದಕ್ಷಿಣ ಆಫ್ರಿಕಾ ನೆಲದಲ್ಲಿ ಎರಡು ಶತಕ ಗಳಿಸಿದ ಹಿರಿಮೆಗೂ ರಾಹುಲ್ ಗೆ ಸಲ್ಲುತ್ತದೆ.

  ಇದು ಟೆಸ್ಟ್ ಕ್ರಿಕೆಟ್‌ನಲ್ಲಿ ರಾಹುಲ್ ಗಳಿಸಿದ ಎಂಟನೇ ಶತಕವಾಗಿದ್ದು, ಸೆಂಚುರಿಯನ್‌ನಲ್ಲಿ ಎರಡು ಶತಕಗಳ ಹೊರತಾಗಿ, ಸಿಡ್ನಿ, ಓವಲ್, ಲಾರ್ಡ್ಸ್, ಕೊಲಂಬೊ ಹಾಗೂ ಸಬಿನಾ ಪಾರ್ಕ್‌ನಲ್ಲೂ ಸೆಂಚುರಿ ಬಾರಿಸುವುದು ದಾಖಲಾಗಿವೆ.

  ಇನ್ನು ದಕ್ಷಿಣ ಆಫ್ರಿಕಾ ನೆಲದಲ್ಲಿ ಟೆಸ್ಟ್ ಕ್ರಿಕೆಟ್‌ನಲ್ಲಿ ಅತಿ ಹೆಚ್ಚು ಶತಕ ಗಳಿಸಿದ ಏಷ್ಯಾದ ಬ್ಯಾಟರ್‌ಗಳ ಪಟ್ಟಿಯಲ್ಲಿ ಸಚಿನ್ ತೆಂಡೂಲ್ಕರ್ 5 ಶತಕಗಳನ್ನು ಬಾರಿಸಿ ಅಗ್ರಸ್ಥಾನದಲ್ಲಿದ್ದಾರೆ. ಈಗ ವಿರಾಟ್ ಕೊಹ್ಲಿ ಜೊತೆ ರಾಹುಲ್ ಕೂಡ ಎರಡನೇ ಸ್ಥಾನವನ್ನು ಹಂಚಿಕೊಂಡಿದ್ದಾರೆ. ಇದರೊಂದಿಗೆ ಪಾಕಿಸ್ತಾನದ ಅಜರ್ ಮೆಹಮೂದ್ ಹಾಗೂ ಶ್ರೀಲಂಕಾದ ತಿಲನ್ ಸಮರವೀರ ಕೂಡ ದಕ್ಷಿಣ ಆಫ್ರಿಕಾದಲ್ಲಿ ೨ ಶತಕಗಳನ್ನು ಕಲೆ ಹಾಕಿದ್ದಾರೆ.