ದುಬೈನಲ್ಲಿ ಡಿ.19ರಂದು ಐಪಿಎಲ್ ಮಿನಿ ಆಕ್ಷನ್ - 830 ಭಾರತೀಯ ಆಟಗಾರರ ಹೆಸರು ನೋಂದಣಿ

•   Sun, Dec 03 2023 06:33:46 PM



• ಡಿ 3 (DaijiworldNews/SK): ಇಂಡಿಯನ್ ಪ್ರೀಮಿಯರ್ ಲೀಗ್ 2024ರ ಹರಾಜು ದಿನಾಂಕ ಅಧಿಕೃತವಾಗಿ ಪ್ರಕಟವಾಗಿದ್ದು, ಇದೇ ಡಿಸೆಂಬರ್ 19 ರಂದು ದುಬೈನಲ್ಲಿ ಐಪಿಎಲ್ ಮಿನಿ ಆಕ್ಷನ್ ನಡೆಯಲಿದೆ ಎಂದು ಭಾರತೀಯ ಕ್ರಿಕೆಟ್ ಮಂಡಳಿ ತಿಳಿಸಿದೆ.

  ಐಪಿಎಲ್‌ ಇತಿಹಾಸದಲ್ಲಿ ಇದೇ ಮೊದಲು ಎಂಬಂತೆ ವಿದೇಶದಲ್ಲಿ ನಡೆಯಲಿರುವ ಹರಾಜಿನಲ್ಲಿ 830 ಭಾರತೀಯ ಆಟಗಾರರು ಮತ್ತು 336 ವಿದೇಶಿ ಆಟಗಾರರು ಹೆಸರು ನೋಂದಾಯಿಸಿಕೊಂಡಿದ್ದಾರೆ. ಇದರಲ್ಲಿ ಶಾರ್ಟ್‌ಲಿಸ್ಟ್ ಮಾಡಿದ ಆಟಗಾರರು ಮಾತ್ರ ಹರಾಜಿಗೆ ಪ್ರವೇಶಿಸಲು ಅವಕಾಶವಿದೆ.

  ಇನ್ನು ಸುಮಾರು 70 ಸ್ಥಾನಗಳನ್ನು ತುಂಬಲು 1,000 ಕ್ಕೂ ಹೆಚ್ಚು ಆಟಗಾರರು ತಮ್ಮ ಹೆಸರನ್ನು ನೋಂದಾಯಿಸಿಕೊಂಡಿದ್ದಾರೆ ಎಂದು ತಿಳಿದು ಬಂದಿದೆ.

  ಐಪಿಎಲ್​ನ ಎಲ್ಲಾ 10 ತಂಡಗಳು 17ನೇ ಆವೃತ್ತಿಯ ಟೂರ್ನಿಗೆ ರಿಟೈನ್ ಮತ್ತು ರಿಲೀಸ್​ ಮಾಡುವ ಆಟಗಾರರ ಕೊನೆಯ ಪಟ್ಟಿಯನ್ನು ನವೆಂಬರ್‌ 26 ರೊಳಗೆ ಸಲ್ಲಿಸಬೇಕಿದೆ. ದುಬೈನಲ್ಲಿ ಮಿನಿ ಹರಾಜು ಪ್ರಕ್ರಿಯೆಯಲ್ಲಿ ಎಲ್ಲಾ ಫ್ರಾಂಚೈಸಿಗಳು ತಮ್ಮ ಬೇಡಿಕೆಗೆ ತಕ್ಕಂತೆ ಆಟಗಾರರನ್ನು ಖರೀದಿಸಲು ಯೋಜನೆ ಹಾಕಿಕೊಂಡಿವೆ ಎಂದು ತಿಳಿದು ಬಂದಿದೆ.