ಆಸ್ಟ್ರೇಲಿಯ ಟಿ20 ಸರಣಿಯಿಂದಲೂ ಚಹಾಲ್ ಔಟ್‌

•   Tue, Nov 21 2023 03:37:35 PM



• ನವದೆಹಲಿ, ನ 21 (DaijiworldNews/AA) : ನವೆಂಬರ್ 23ರಿಂದ ಪ್ರವಾಸಿ ಆಸ್ಟ್ರೇಲಿಯ ವಿರುದ್ಧದ ಮುಂದಿನ ಟಿ 20 ಸರಣಿ ಪ್ರಾರಂಭವಾಗಲಿದ್ದು, ಈ ಪಂದ್ಯಗಳಿಂದ ಯುಜ್ವೇಂದ್ರ ಚಹಾಲ್ ಅವರನ್ನು ಬಿಸಿಸಿಐ ಕೈಬಿಟ್ಟಿದೆ.

  ಇನ್ನು ಆಸ್ಟ್ರೇಲಿಯ ಟಿ20 ಪಂದ್ಯಗಳಿಂದ ನಿರ್ಲಕ್ಷಿಸಿದ ನಂತರ ಚಹಾಲ್ ಮಾಡಿದ ಟ್ವೀಟ್ ವೈರಲ್ ಆಗಿದೆ.ಭಾರತ ಕ್ರಿಕೆಟ್ ತಂಡದ ಸ್ಪಿನ್ನರ್ ಆಗಿರುವ 33 ವರ್ಷದ ಯುಜ್ವೇಂದ್ರ ಚಹಾಲ್ ಅವರ ಅಧಿಕೃತ ಖಾತೆ ಎಕ್ಸ್ ನಲ್ಲಿ ಪೋಸ್ಟ್ ಒಂದನ್ನು ಮಾಡಿದ್ದು, ಇದರಲ್ಲಿ ಕೇವಲ ನಗುವಿನ ಇಮೋಜಿಯನ್ನು ಹಂಚಿಕೊಂಡಿದ್ದರು.

  ಇನ್ನು ಚಹಾಲ್ ಮಾಡಿರುವ ಈ ಪೋಸ್ಟ್ 1.5 ಮಿಲಿಯನ್ ಗೂ ಹೆಚ್ಚು ವೀಕ್ಷಕರ ಗಮನ ಸೆಳೆದಿದೆ. ನ. 20 ರಂದು ಬಿಸಿಸಿಐ ಪ್ರಕಟಿಸಿದ್ದ ಮುಂಬರುವ ಆಸ್ಟ್ರೇಲಿಯಾ ವಿರುದ್ಧದ ಐದು ಪಂದ್ಯಗಳ ಟಿ20 ಸರಣಿಗೆ 15 ಸದಸ್ಯರ ತಂಡದಲ್ಲಿ ಯುಜ್ವೇಂದ್ರ ಚಹಾಲ್ ಅವರನ್ನು ಕೈಬಿಡಲಾಗಿದೆ.

  2016 ರಲ್ಲಿ ಟಿ20 ಸರಣಿಯ ಮೂಲಕ ಚಹಾಲ್ ಕ್ರಿಕೆಟ್ ಲೋಕಕ್ಕೆ ಪಾದಾರ್ಪಣೆ ಮಾಡಿದ್ರು, ಅವರು ಆಡಿದ 80 ಪಂದ್ಯಗಳಲ್ಲಿ 96 ವಿಕೆಟ್‌ಗಳನ್ನು ಪಡೆಯುವ ಜೊತೆಗೆ 8.19 ಎಕೋನೊಮಿ ರೇಟ್ ಕೂಡ ಹೊಂದಿರುತ್ತಾರೆ.