ಅಭಿಮಾನಿಗಳ ಜೈಕಾರಕ್ಕೆ ಕಿವಿ ಮುಚ್ಚಿಕೊಂಡ ರೋಹಿತ್ ಪುತ್ರಿ - ವಿಡಿಯೋ ವೈರಲ್

•   Tue, Nov 14 2023 01:01:17 PM



• ಮುಂಬೈ,ನ.14(DaijiworldNews/PC): ಸಾಮಾನ್ಯವಾಗಿ ಕ್ರಿಕೆಟಿಗರನ್ನು ಕಂಡರೆ ಅದೇನೋ ಎಲ್ಲಕ್ಕಿಂತ ಹೆಚ್ಚಿನ ಸಂತಸ, ಕ್ರಿಕೆಟಿಗರನ್ನು ಕಂಡರೆ ಸಾಕು ಅಭಿಮಾನಿಗಳು ಜೈಕಾರ ಗಳನ್ನು ಹಾಕಿ ತಮ್ಮ ಸಂತಸವನ್ನು ವ್ಯಕ್ತಪಡಿಸುತ್ತಾರೆ. ಇದೇ ಸಂಧರ್ಭದಲ್ಲಿ ಒಂದು ಘಟನೆ ನಡೆದಿದೆ.

  ಹೌದು ಭಾರತದ ಕ್ರಿಕೆಟ್ ತಂಡವು ಐಸಿಸಿ ವಿಶ್ವಕಪ್ ಟೂರ್ನಿ ಸೆಮಿಫೈನಲ್ ಪಂದ್ಯಕ್ಕಾಗಿ ಮುಂಬೈಗೆ ಆಗಮಿಸಿದ್ದು. ಈ ಹೊತ್ತಿನಲ್ಲಿ ಅಭಿಮಾನಿಗಳು ಭಾರತ ತಂಡಕ್ಕೆ ಜೈಕಾರ ಹಾಕಿದ್ದಾರೆ. ಘೋಷಣೆ ಶಬ್ದಕ್ಕೆ ರೋಹಿತ್ ಶರ್ಮಾ ಪುತ್ರಿ ಕಿವಿ ಮುಚ್ಚಿಕೊಂಡೇ ಸಾಗಿದ ವಿಡಿಯೋ ವೈರಲ್ ಆಗಿದೆ.

  ನೆದರ್ಲೆಂಡ್ ವಿರುದ್ಧ ಅಂತಿಮ ಲೀಗ್ ಪಂದ್ಯದ ಬಳಿಕ ಟೀಂ ಇಂಡಿಯಾ ಕ್ರಿಕೆಟಿಗರು ಬೆಂಗಳೂರಿನಿಂದ ಮುಂಬೈಗೆ ಬಂದಿಳಿದಿದ್ದಾರೆ. ಮುಂಬೈ ವಿಮಾನ ನಿಲ್ದಾಣದಲ್ಲಿ ಟೀಂ ಇಂಡಿಯಾ ಕ್ರಿಕೆಟಿಗರು ಆಗಮಿಸುತ್ತಿದ್ದಂತೆ ಅಭಿಮಾನಿಗಳು ಜೈಕಾರ ಕೂಗಿದ್ದಾರೆ. ಅಭಿಮಾನಿಗಳ ಜೈಕಾರ ಶಬ್ದದಿಂದ ಬೆಚ್ಚಿ ಬಿದ್ದ ರೋಹಿತ್ ಶರ್ಮಾ ಪುತ್ರಿ ಸಮೈರಾ ಕಿವಿಗಳನ್ನು ಕೈಯಿಂದ ಮುಚ್ಚಿದ್ದಾರೆ. ರೋಹಿತ್ ಶರ್ಮಾರ ತೋಳಲ್ಲಿ ಕುಳಿತು ಸಮೈರಾ ಸಾಗುತ್ತಿದ್ದ ವೇಳೆ ಕಿವಿಗಳನ್ನು ಮುಚ್ಚಿದ್ದಾರೆ. ಇತ್ತ ಅಭಿಮಾನಿಗಳು ಸೆಮಿಫೈನಲ್ ಪಂದ್ಯಕ್ಕೆ ಶುಭಾಶಯ ಕೋರಿದ್ದಾರೆ.