ಸ್ಕ್ವಾಷ್‌ ಮಿಕ್ಸೆಡ್​ ಡಬಲ್ಸ್​ ಭಾರತಕ್ಕೆ ಚಿನ್ನ

•   Thu, Oct 05 2023 02:10:11 PM



• ಹ್ಯಾಂಗ್‌ಝೌ,, ಅ 05 (DaijiworldNews/MS): ​ಏಷ್ಯನ್ ಗೇಮ್ಸ್ 2023 ರಲ್ಲಿ ಭಾರತವು ಮತ್ತೊಂದು ಚಿನ್ನದ ಪದಕ ಗೆದ್ದಿದೆ. ಸ್ಕ್ವಾಷ್‌ ಮಿಕ್ಸೆಡ್​ ಡಬಲ್ಸ್​ನಲ್ಲಿ ಭಾರತದ ಆಟಗಾರರು ಬಂಗಾರದ ಪದಕಕ್ಕೆ ಕೊರಳೊಡ್ಡಿದ್ದಾರೆ.

  ಈ ಸ್ಪರ್ಧೆಯಲ್ಲಿ ದೀಪಿಕಾ ಪಳ್ಳಿಕಾಲ್ ಕಾರ್ತಿಕ್ ಮತ್ತು ಹರಿಂದರ್ ಪಾಲ್ ಸಿಂಗ್ ಸಂಧು ಜೋಡಿ ಫೈನಲ್‌ನಲ್ಲಿ ಮಲೇಷ್ಯಾ ಜೋಡಿಯನ್ನು ಸೋಲಿಸಿ ಚಿನ್ನದ ಪದಕ ಗೆದ್ದುಕೊಂಡಿದೆ.

  ದೀಪಿಕಾ ಮತ್ತು ಹರಿಂದರ್ ಜೋಡಿ ಮಲೇಷ್ಯಾದ ಬಿಂಟಿ ಅಜ್ಮಾ ಮತ್ತು ಮೊಹಮ್ಮದ್ ಸಫಿಕ್ ಅವರ ವಿರುದ್ಧ ಕಠಿಣ ಪೈಪೋಟಿ ಎದುರಿಸಿತು. ಆದರೆ ಈ ಜೋಡಿ ಫೈನಲ್‌ನಲ್ಲಿ ಮಲೇಷ್ಯಾವನ್ನು ಮಣಿಸಿದ್ದು, ಈ ಮೂಲಕ 20ನೇ ಚಿನ್ನದ ಪದಕವನ್ನು ಭಾರತ ಖಾತೆಗೆ ಸೇರ್ಪಡೆಗೊಳಿಸಿದರು.