'ವಿರಾಟ್ ಕೊಹ್ಲಿ ಆಡುವುದು ಹೆಮ್ಮೆ ತಂದಿದೆ' - ಜೈಸ್ವಾಲ್

•   Fri, Jul 21 2023 03:56:50 PM



• ನವದೆಹಲಿ, ಜು 21 (DaijiworldNews/MS): ಟೀಂ ಇಂಡಿಯಾದ ಆರಂಭಿಕ ಆಟಗಾರ ಯಶಸ್ವಿ ಜೈಸ್ವಾಲ್ ಅವರು ತಮ್ಮ ವೃತ್ತಿಜೀವನದ ಆರಂಭದಲ್ಲಿಯೇ ವಿರಾಟ್ ಕೊಹ್ಲಿ ಅವರ ಜತೆ ಆಡಲು ಸಿಕ್ಕಿರುವುದು ನನ್ನ ಭಾಗ್ಯ ಎಂದು ಕರೆದುಕೊಂಡಿದ್ದಾರೆ.

  ಅವರು ಬ್ಯಾಟಿಂಗ್ ಮಾಡುವುದನ್ನು ನೋಡುವುದೇ ಅದ್ಭುತವಾಗಿರುತ್ತದೆ. ವಿರಾಟ್ ಜತೆ ಬ್ಯಾಟಿಂಗ್ ಮಾಡುವುದು ಹೆಮ್ಮೆ ತಂದಿದ್ದು ಅವರು ಕ್ರಿಕೆಟ್ ದಂತಕಥೆ. ಬಾಲ್ಯದಿಂದಲೂ ಕೊಹ್ಲಿ ಆಟ ನೋಡಿ ಸಾಕಷ್ಟು ಕಲಿತಿದ್ದೇನೆ. ಅವರಂಥ ಅನುಭವಿ ಜತೆ ಆಡುವ ಮೂಲಕ ನನ್ನ ಆಟ ಸುಧಾರಿಸಿಕೊಳ್ಳಲು ಸಾಧ್ಯವಾಗಿದೆ ಎಂದು ಜೈಸ್ವಾಲ್ ಹೇಳಿದ್ದಾರೆ.

  ಪ್ರತಿಯೊಬ್ಬ ಆಟಗಾರರಿಗೂ ಅವರದೇ ಆದ ಅನುಭವವಿದೆ. ನಾನು ಅವರೆಲ್ಲರ ಸಲಹೆಗಳನ್ನು ಬಹಳ ಎಚ್ಚರಿಕೆಯಿಂದ ಕೇಳುತ್ತೇನೆ ಎಂದು ಹೇಳಿದ್ದಾರೆ