ದುಬೈ: ಟೆಸ್ಟ್ ರ್‍ಯಾಂಕಿಂಗ್ ನಲ್ಲಿ ಮತ್ತೆ ಮೊದಲ ಸ್ಥಾನ ಉಳಿಸಿಕೊಂಡ ಟೀಂ ಇಂಡಿಯಾ

•   Tue, Apr 02 2019 09:32:58 PM



• ದುಬೈ, ಏ 02(SM): ಸತತ 3ನೇ ಬಾರಿ ಟೀಂ ಇಂಡಿಯಾ ಟೆಸ್ಟ್ ಚಾಂಪಿಯನ್ ಷಿಪ್ ಗದೆಯನ್ನು ಗೆದ್ದುಕೊಂಡಿದೆ. ಆ ಮೂಲಕ 6.63 ಕೋಟಿ ರೂಪಾಯಿ ಬಹುಮಾನಗಳಿಸಿಕೊಂಡಿದೆ.

  

  2018-19ರ ಸಾಲಿನಲ್ಲಿ ಆಸ್ಟ್ರೇಲಿಯಾ ನೆಲದಲ್ಲಿ ಐತಿಹಾಸಿಕ ಟೆಸ್ಟ್ ಸರಣಿ ಗೆಲುವುನ ಸಾಧನೆ ಮಾಡಿದ್ದ ಭಾರತ ತಂಡ, ಒಟ್ಟಾರೆ ೫ನೇ ಬಾರಿ ಈ ಗೌರವ ಪಡೆದಿದೆ. ಇದು ಹೆಮ್ಮೆಯ ಸಾಧನೆಯಾಗಿದೆ. ನಮ್ಮ ತಂಡ ಎಲ್ಲ ಪ್ರಕಾರದಲ್ಲೂ ಉತ್ತಮ ನಿರ್ವಹಣೆ ತೋರುತ್ತಿದೆ. ಆದರೂ ಟೆಸ್ಟ್ ರ್‍ಯಾಂಕಿಂಗ್ ನ ಅಗ್ರಸ್ಥಾನ ವಿಶೇಷ ಖುಷಿ ನೀಡಿದೆ. ಉತ್ತಮ ಪ್ರದರ್ಶನದಿಂದಾಗಿ ಈ ಯಶಸ್ಸು ಗಳಿಸಲು ಸಾಧ್ಯವಾಗಿದೆ ಎಂದು ಭಾರತ ತಂಡದ ನಾಯಕ ವಿರಾಟ್ ಕೊಹ್ಲಿ ಸಂತಸ ವ್ಯಕ್ತಪಡಿಸಿದ್ದಾರೆ.

  ಏಪ್ರಿಲ್ ಆರಂಭದ ತನಕ ಟಿಂ ಇಂಡಿಯಾ ಮೊದಲ ಸ್ಥಾನ ಉಳಿಸಿಕೊಳ್ಳುವುದು ಖಚಿತ ಎಂಬುವುದು ಆಸೀಸ್ ನೆಲದಲ್ಲಿ ಸರಣಿ ಗೆದ್ದಾಗಲೇ ತಿಳಿದಿತ್ತು. ಈದೀಗ ಭಾರತ 116 ಅಂಕಗಳೊಂದಿಗೆ ಮೊದಲ ಸ್ಥಾನದಲ್ಲಿದ್ದರೆ, ನ್ಯೂಜಿಲ್ಯಾಂಡ್ 108 ಅಂಕಗಳೊಂದಿಗೆ ಎರಡನೇ ಸ್ಥಾನದಲ್ಲಿದೆ. ಭಾರತ ಹಾಗೂ ನ್ಯೂಜಿಲ್ಯಾಂಡ್ ತಂಡಗಳ ಅಂಕಗಳಲ್ಲಿ ಕೇವಲ 8 ಅಂಕಗಳ ವ್ಯತ್ಯಾಸ ಮಾತ್ರವೇ ಇದೆ.

  ಇನ್ನು ಕಳೆದ 2 ವರ್ಷಗಳಿಂದ 2ನೇ ಸ್ಥಾನದಲ್ಲಿದ್ದ ದಕ್ಷಿಣ ಆಫ್ರಿಕಾ ತಂಡ ಈ ಬಾರೀ 3ನೇ ಸ್ಥಾನಕ್ಕೆ ಕುಸಿದಿದೆ.