ಹೈದರಬಾದ್: 12ನೇ ಆವೃತ್ತಿಯ ಐಪಿಎಲ್ ನಲ್ಲಿ ಮೊದಲ ಶತಕ, ಸೆಂಚುರಿ ಸಿಡಿಸಿ ಮಿಂಚಿದ ಸ್ಯಾಮ್ಸನ್

•   Fri, Mar 29 2019 11:39:01 PM



• ಹೈದರಾಬಾದ್, ಮಾ 29(SM)​ :ಐಪಿಎಲ್​​ನ 12ನೇ ಆವೃತ್ತಿಯ ಸನ್​​ರೈಸರ್ಸ್​ ಹೈದರಾಬಾದ್ ಹಾಗೂ ರಾಜಸ್ಥಾನ ರಾಯಲ್ಸ್ ನಡುವಿನ ಪಂದ್ಯದಲ್ಲಿ ಸಂಜು ಸ್ಯಾಮ್ಸನ್​​ ಭರ್ಜರಿ ಶತಕ ಸಿಡಿಸಿದ್ದಾರೆ. 12 ನೇ ಆವೃತ್ತಿಯ ಮೊದಲ ಶತಕ ಸಿಡಿಸುವ ಮೂಲಕ ಸ್ಯಾಮ್ಸನ್ ಮಿಂಚಿದ್ದಾರೆ. 53 ಎಸೆತದಲ್ಲಿ ಸ್ಯಾಮ್ಸನ್​ ಮೂರಂಕಿ ಗಡಿ ದಾಟಿದ್ದಾರೆ. ಪಂದ್ಯದ ಆರಂಭದಿಂದಲೂ ಸಂಜು ಅಬ್ಬರದ ಬ್ಯಾಟಿಂಗ್ ಪ್ರದರ್ಶಿಸಿದ್ದಾರೆ. ಆ ಮೂಲಕ ತಂಡ ಬೃಹತ್ ಮೊತ್ತ ಪೇರಿಸುವಲ್ಲಿ ಶಕ್ತವಾಯಿತು.

  

  ಸ್ಯಾಮ್ಸನ್ ಅವರ ಅದ್ಭುತ ಇನ್ನಿಂಗ್ಸ್ ನಲ್ಲಿ ನಾಲ್ಕು ಆಕರ್ಷಕ ಸಿಕ್ಸರ್ ಹಾಗೂ ಹತ್ತು ಬೌಂಡರಿ ಒಳಗೊಂಡಿದ್ದವು. ಸಂಜು ಸ್ಯಾಮ್ಸನ್​​ 55 ಎಸೆತದಲ್ಲಿ 102 ರನ್ ಪೇರಿಸಿದ್ದಾರೆ. ಅಂತಿಮವಾಗಿ ರಾಜಸ್ಥಾನ ರಾಯಲ್ಸ್ ನಿಗದಿತ 20 ಒವರ್​​ನಲ್ಲಿ ಎರಡು ವಿಕೆಟ್ ನಷ್ಟಕ್ಕೆ 198 ರನ್​ ಪೇರಿಸಿ ಹೈದರಬಾದ್ ಗೆ 199 ರನ್ ಗಳ ಗುರಿ ನೀಡಿದೆ.