ಇಂದು ರಾಯಲ್ ಚಾಲೆಂಜರ್ಸ್ -ಸನ್ ರೈಸರ್ಸ್ ಮೊದಲ ಮುಖಾಮುಖಿ

•   Thu, May 18 2023 04:33:12 PM



• ಹೈದರಾಬಾದ್‌, ಮೇ 18 (DaijiworldNews/MS): ಇಂದು ಐಪಿಎಲ್‌ನಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು-ಸನ್ ರೈಸರ್ಸ್ ಹೈದರಬಾದ್ ನಡುವೆ ಲೀಗ್ ಹಂತದ 65ನೇ ಪಂದ್ಯ ನಡೆಯಲಿದೆ. ಹೈದರಾಬಾದ್‌ನ ಆರ್‌ಜಿಐ ಕ್ರೀಡಾಂಗಣದಲ್ಲಿ ರಾತ್ರಿ 7:30ಕ್ಕೆ ಪಂದ್ಯ ಆರಂಭವಾಗಲಿದೆ.

  ಈ ಋತುವಿನಲ್ಲಿ ಎರಡೂ ತಂಡಗಳು ಮೊದಲ ಬಾರಿಗೆ ಮುಖಾಮುಖಿಯಾಗಲಿವೆ. ಸನ್ ರೈಸರ್ಸ್ಈ ಋತುವಿನಲ್ಲಿ ಇದುವರೆಗೆ 12 ಪಂದ್ಯಗಳನ್ನು ಆಡಿದೆ. ಈ ಪೈಕಿ ಅವರು ಗೆದ್ದಿರುವುದು 4ರಲ್ಲಿ ಮಾತ್ರ. ಆದರೆ, ರಾಯಲ್ ಚಾಲೆಂಜರ್ಸ್ ಈ ಋತುವಿನಲ್ಲಿ ಇದುವರೆಗೆ 12 ಪಂದ್ಯಗಳನ್ನು ಆಡಿದೆ. ಈ ಪೈಕಿ ಕೇವಲ 6 ಪಂದ್ಯಗಳನ್ನು ಗೆದ್ದಿದ್ದಾರೆ. ಸನ್ ರೈಸರ್ಸ್ ಹತ್ತನೇ ಸ್ಥಾನದಲ್ಲಿದೆ ಮತ್ತು ರಾಯಲ್ ಚಾಲೆಂಜರ್ಸ್ 5ನೇ ಸ್ಥಾನದಲ್ಲಿದೆ.