ದೆಹಲಿ: ತವರಲ್ಲೇ ಚೆನ್ನೈಗೆ ಶರಣಾದ ಡೆಲ್ಲಿ, ಸಿಎಸ್ ಕೆಗೆ ಸತತ 2ನೇ ಗೆಲುವು

•   Wed, Mar 27 2019 12:29:41 AM



• ದೆಹಲಿ, ಮಾ 27(SM): ಇಲ್ಲಿನ ಫಿರೋಜ್ ಶಾ ಕೋಟ್ಲ ಮೈದಾನದಲ್ಲಿ ನಡೆದ ಐಪಿಎಲ್ ನ ಐದನೇ ಪಂದ್ಯದಲ್ಲಿ ಚೆನ್ನೈ ತಂಡ 6 ವಿಕೆಟ್ ಗಳ ಗೆಲುವು ದಾಖಲಿಸಿದೆ.

  

  ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ಗೆ ಇಳಿದ ಡೆಲ್ಲಿ ಕ್ಯಾಪಿಟಲ್ಸ್ ನಿಗಧಿತ 20 ಓವರ್ ಗಳಲ್ಲಿ 6 ವಿಕೆಟ್ ಗಳ ನಷ್ಟಕ್ಕೆ 147 ರನ್ ಪೇರಿಸಲಷ್ಟೇ ಶಕ್ತವಾಯಿತು. ಡೆಲ್ಲಿ ಪರ ಶಿಖರ್ ಧವನ್ 51 ರನ್ ಗಳನ್ನು ಸಿಡಿಸಿ ಮಿಂಚಿದರು. ಪೃಥ್ವಿ ಶಾ 24 ಹಾಗೂ ರಿಷಬ್ ಪಂತ್ 25ರನ್ ಗಳಿಸುವ ಮೂಲಕ ತಂಡಕ್ಕೆ ನೆರವಾದರು. ಅಂತಿಮವಾಗಿ ಸಿಎಸ್ ಕೆ ತಂಡಕ್ಕೆ ಗೆಲ್ಲಲು 148ರನ್ ಗಳ ಗುರಿ ನೀಡಿತು.

  ಡೆಲ್ಲಿ ನೀಡಿದ ಸಾಧಾರಣ ಮೊತ್ತದ ಗುರಿ ಬೆನ್ನತ್ತಿದ ಸಿಎಸ್ ಕೆ ಆರಂಭಿಕ ಶಾನ್ ವ್ಯಾಟ್ಸನ್ 44 ರನ್ ಹಾಗೂ ಸುರೇಶ್ ರೈನಾ 30 ಗಳಿಸಿ ತಂಡದ ಮೊತ್ತವನ್ನು ಹೆಚ್ಚಿಸಿದರು. ಅಂತಿಮವಾಗಿ ನಾಯಕ ಧೋನಿ ತಂಡವನ್ನು ಗೆಲುವಿನ ದಡ ಸೇರಿಸಿದರು. ಕೇದರ್ ಜಾದವ್ 27 ರನ್ ಸಿಡಿಸಿದರೆ, ಧೋನಿ ಬ್ಯಾಟ್ ನಿಂದ 32ರನ್ ಗಳು ತಂಡದ ಖಾತೆಗೆ ಸೇರ್ಪಡೆಗೊಂಡಿತು.

  ಅಂತಿಮವಾಗಿ 4 ವಿಕೆಟ್ ಕಳೆದುಕೊಂಡು 150 ರನ್ ಗಳನ್ನು ಪೇರಿಸುವ ಸಿಎಸ್ ಕೆ ಜಯ ದಾಖಲಿಸಿಕೊಂಡಿತು.

  ಈ ಮೂಲಕ ಆಡಿದ ಎರಡು ಪಂದ್ಯಗಳಲ್ಲಿ ಚೆನ್ನೈ ತಂಡ ಗೆಲುವು ಸಾಧಿಸಿದೆ.