ವಿಶ್ವ ಬಾಕ್ಸಿಂಗ್ ಚಾಂಪಿಯನ್‌‌ಶಿಪ್‌ - ದೀಪಕ್, ಹುಸ್ಸಾಮುದ್ದೀನ್, ನಿಶಾಂತ್ ಭಾರತಕ್ಕೆ ಚಿನ್ನದ ಪದಕ

•   Fri, May 12 2023 10:23:45 AM



• ತಾಷ್ಕೆಂಟ್, ಮೇ 12 (DaijiworldNews/HR): ಭಾರತದ ಸ್ಟಾರ್ ಬಾಕ್ಸರ್‌‌ಗಳಾದ ದೀಪಕ್ ಕುಮಾರ್, ಮೊಹಮ್ಮದ್ ಹುಸ್ಸಾಮುದ್ದೀನ್ ಮತ್ತು ನಿಶಾಂತ್ ದೇವ್ ಅವರು ಉಜ್ಬೇಕಿಸ್ತಾನದ ತಾಷ್ಕೆಂಟ್‌‌ನಲ್ಲಿ ನಡೆಯುತ್ತಿರುವ ಐಬಿಎ ಪುರುಷರ ವಿಶ್ವ ಬಾಕ್ಸಿಂಗ್ ಚಾಂಪಿಯನ್ಶಿಪ್ 2023ರ ಚಾಂಪಿಯನ್‌‌ಶಿಪ್‌ನಲ್ಲಿ ಸ್ಪರ್ಧಿಸಲು ಸಜ್ಜಾಗಿದ್ದಾರೆ.

  2019 ರ ಏಷ್ಯನ್ ಬೆಳ್ಳಿ ಪದಕ ವಿಜೇತ ದೀಪಕ್ ಕುಮಾರ್ (51 ಕೆಜಿ) ತಮ್ಮ ಸೆಮಿಫೈನಲ್ ಪಂದ್ಯದಲ್ಲಿ ಎರಡು ಬಾರಿ ವಿಶ್ವ ಕಂಚಿನ ಪದಕ ವಿಜೇತ ಫ್ರಾನ್ಸ್ನ ಬಿಲಾಲ್ ಬೆನ್ನಾಮಾ ಅವರನ್ನು ಎದುರಿಸಲಿದ್ದಾರೆ.

  ಇನ್ನು ಟೋಕಿಯೊ ಒಲಿಂಪಿಕ್ಸ್ ಕಂಚಿನ ಪದಕ ವಿಜೇತ ಕಜಕಿಸ್ತಾನದ ಸಾಕೇನ್ ಬಿಬೊಸ್ಸಿನೊವ್ ಅವರನ್ನು 32ನೇ ಸುತ್ತಿನಲ್ಲಿ ಸೋಲಿಸುವ ಮೂಲಕ 26ರ ಹರೆಯದ ಭಾರತದ ಆಟಗಾರ ತನ್ನ ಎರಡನೇ ವಿಶ್ವ ಚಾಂಪಿಯನ್ಶಿಪ್ನಲ್ಲಿ ಅದ್ಭುತ ಪ್ರದರ್ಶನ ನೀಡಿದ್ದಾರೆ.

  ದೀಪಕ್ ಫೈನಲ್ ತಲುಪಲು ಎಲ್ಲ ಪ್ರಯತ್ನಗಳನ್ನು ಮಾಡಲಿದ್ದು, ಅಲ್ಲಿ ಅವರು ರಿಯೊ ಒಲಿಂಪಿಕ್ಸ್ ಚಿನ್ನದ ಪದಕ ವಿಜೇತ ಹಸನ್ಬಾಯ್ ಡುಸ್ಮಾಟೊವ್ ಅಥವಾ ಹಾಲಿ ಯುರೋಪಿಯನ್ ಚಾಂಪಿಯನ್ ಸ್ಪೇನ್‌ನ ಮಾರ್ಟಿನ್ ಮೊಲಿನಾ ಅವರನ್ನು ಎದುರಿಸಲಿದ್ದಾರೆ.