ಆರ್ ಸಿಬಿ ಎದುರು ಮುಗ್ಗರಿಸಿದ ರಾಜಸ್ಥಾನ ರಾಯಲ್ಸ್ ಪಡೆ

•   Sun, Apr 23 2023 08:36:56 PM



• ಬೆಂಗಳೂರು, ಏ. 23 (DaijiworldNews/SM): ರಾಯಲ್ ಚಾಲೆಂಜರ್ಸ್ ಬೆಂಗಳೂರು 7 ರನ್‌ನಿಂದ ರಾಜಸ್ಥಾನ ರಾಯಲ್ಸ್ ವಿರುದ್ಧ ರೋಚಕ ಜಯ ದಾಖಲಿಸಿದೆ. ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ನಡೆದ ಪಂದ್ಯದಲ್ಲಿ ಗೆಲ್ಲಲು 190 ರನ್ ಗುರಿ ಬೆನ್ನಟ್ಟಿದ ರಾಜಸ್ಥಾನ ತಂಡವು ನಿಗದಿತ 20 ಓವರ್‌ಗಳಲ್ಲಿ 6 ವಿಕೆಟ್ ನಷ್ಟಕ್ಕೆ 182 ರನ್ ಗಳಿಸಿ ಕೊನೆಯ ಹಂತದಲ್ಲಿ ಸೋಲಿಗೆ ಶರಣಾಯಿತು. ಕೊನೆಯ ಓವರ್ ನಲ್ಲಿ ಆರ್. ಅಶ್ವಿನ್ ಸತತ ಎರಡು ಬೌಂಡರಿಗಳ ಮೂಲಕ ಸಣ್ಣ ಮಟ್ಟಿನ ಹೋರಾಟ ನಡೆಸಿದರೂ ಕೂಡಾ ಮೂರನೇ ಎಸೆತದಲ್ಲಿ ವಿಕೆಟ್ ಒಪ್ಪಿಸುವ ಮೂಲಕ ರಾಜಸ್ಥಾನದ ಸೋಲು ಖಚಿತವಾಯಿತು.

   

  
  ರಾಜಸ್ಥಾನ ತಂಡದ ಪರ ದೇವದತ್ತ ಪಡಿಕ್ಕಲ್(52 ರನ್, 34 ಎಸೆತ) ಅರ್ಧಶತಕ ಗಳಿಸಿದರೆ, ಯಶಸ್ವಿ ಜೈಸ್ವಾಲ್(47 ರನ್, 37 ಎಸೆತ), ಧ್ರುವ್ ಜುರೆಲ್(ಔಟಾಗದೆ 34 ರನ್, 16 ಎಸೆತ)ಹಾಗೂ ನಾಯಕ ಸಂಜು ಸ್ಯಾಮ್ಸನ್(22 ರನ್, 15 ಎಸೆತ) ಆರ್. ಅಶ್ವಿನ್ (1222 ರನ್, 6 ಎಸೆತ)ಎರಡಂಕೆಯ ಸ್ಕೋರ್ ಗಳಿಸಿದರು. ಆರ್‌ಸಿಬಿ ಪರ ಹರ್ಷಲ್ ಪಟೇಲ್(3-32)ಯಶಸ್ವಿ ಬೌಲರ್ ಎನಿಸಿಕೊಂಡರು.
  ಇದಕ್ಕೂ ಮೊದಲು ಟಾಸ್ ಸೋತು ಬ್ಯಾಟಿಂಗ್ ಮಾಡಿದ ಆರ್‌ಸಿಬಿ ತಂಡ ಆಲ್‌ರೌಂಡರ್ ಗ್ಲೆನ್ ಮ್ಯಾಕ್ಸ್‌ವೆಲ್ (77 ರನ್, 44 ಎಸೆತ), ಎಫ್ ಡು ಪ್ಲೆಸಿಸ್(62 ರನ್, 39 ಎಸೆತ)ಅರ್ಧಶತಕದ ಕೊಡುಗೆಯ ನೆರವಿನಿಂದ ನಿಗದಿತ 20 ಓವರ್‌ಗಳಲ್ಲಿ 9 ವಿಕೆಟ್‌ಗಳ ನಷ್ಟಕ್ಕೆ 189 ರನ್ ಗಳಿಸಿತು. ನಾಯಕ ವಿರಾಟ್ ಕೊಹ್ಲಿ ಮೊದಲ ಎಸೆತದಲ್ಲೇ ಎಲ್ ಬಿ ಡಬ್ಲ್ಯು ಬಲೆಗೆ ಬೀಳುವ ಮೂಲಕ ಬೆಂಗಳೂರು ಅಭಿಮಾನಿಗಳಿಗೆ ನಿರಾಸೆ ಮೂಡಿಸಿದರು.