ಪೂರನ್ ಸಿಡಿಲಬ್ಬರಕ್ಕೆ ಮಂಕಾದ ಆರ್‌‌ಸಿಬಿ-ತವರಿನ ಹೈವೋಲ್ಟೇಜ್ ಪಂದ್ಯದಲ್ಲಿ ಆರ್‌‌ಸಿಬಿ ಪರಾಜಿತ

•   Tue, Apr 11 2023 10:00:54 AM



• ಬೆಂಗಳೂರು, ಏ 11 (DaijiworldNews/HR): ಬೆಂಗಳೂರಿನ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು(ಆರ್​ಸಿಬಿ) ಹಾಗೂ ಲಖನೌ ಸೂಪರ್ ಜೇಂಟ್ಸ್(ಎಲ್‌ಎಸ್‌ಜಿ) ಮುಖಾಮುಖಿಯಲ್ಲಿ 1 ವಿಕೆಟ್ ಅಂತರದಲ್ಲಿ ಎಲ್‌ಎಸ್‌ಜಿಗೆ ಗೆಲುವು ದಕ್ಕಿದೆ.

  ಮೊದಲು ಬ್ಯಾಟಿಂಗ್ ಮಾಡಿದ ಆರ್ ಸಿಬಿ ತಂಡ ಲಖನೌಗೆ ಗೆಲುವಿಗೆ 213 ರನ್‌ಗಳ ಗುರಿ ನೀಡಿದ್ದು, ಗುರಿ ಬೆನ್ನತ್ತಿದ ಲಖನೌ ತಂಡದ ಬ್ಯಾಟ್ಸ್ಮನ್ ಗಳ ಮೇಲೆ ಆರ್ ಸಿಬಿ ಬೌಲರ್ ಗಳು ಆರಂಭದಲ್ಲಿ ನಿಯಂತ್ರಣ ಸಾಧಿಸಿದರಾದರೂ, ಮಧ್ಯಮ ಕ್ರಮಾಂಕದಲ್ಲಿ ಆಟವನ್ನು ನಿಯಂತ್ರಿಸುವಲ್ಲಿ ಆರ್​ಸಿಬಿ ಬೌಲರ್ ಗಳು ವಿಫಲರಾದರು.

  ಇನ್ನು ಕೊನೆಯ ಕ್ಷಣದವರೆಗೂ ಆರ್​ಸಿಬಿ ಬೌಲರ್ ಗಳು ಸಾಲಾಗಿ ವಿಕೆಟ್ ಪಡೆಯುವ ಮೂಲಕ ಲಖನೌ ಬ್ಯಾಟ್ಸ್ ಮನ್ ಗಳ ಮೇಲೆ ಒತ್ತಡ ಹೇರಲು ಯತ್ನಿಸಿದ ಪರಿಣಾಮವಾಗಿ ಕೊನೆಯ ಎಸೆತದವರೆಗೂ ಗೆಲುವಿನ ರೋಚಕತೆ ಇತ್ತು. ಆದರೆ ಕೊನೆಯ ಎಸೆತಕ್ಕೂ ಮುನ್ನ ಆರ್ ಸಿಬಿ ಬೌಲರ್ ಗಳ ರನ್ ಔಟ್ ಯತ್ನ ವಿಫಲವಾಗಿ ಎಲ್ ಎಸ್ ಜಿ ಗೆ ಕೊನೆಯ ಎಸೆತದಲ್ಲಿ ಗೆಲುವು ಸಿಕ್ಕಿತು.