ಹೈದ್ರಾಬಾದ್: ಸನ್ ರೈಸರ್ ಹೈದ್ರಾಬಾದ್ ವಿರುದ್ಧ ರಾಜಸ್ಥಾನಕ್ಕೆ 72 ರನ್ ಗಳ ಜಯ

•   Sun, Apr 02 2023 09:22:03 PM



• ಹೈದ್ರಾಬಾದ್, ಏ 02 (DaijiworldNews/SM): ಇಲ್ಲಿ ನಡೆದ ಐಪಿಎಲ್ ಪಂದ್ಯದಲ್ಲಿ ಸನ್ ರೈಸರ್ ಹೈದ್ರಾಬಾದ್ ತಂಡ ರಾಜಸ್ಥಾನ ವಿರುದ್ಧ ತವರಿನ ಪಂದ್ಯದಲ್ಲೇ ಸೋಲನುಭವಿಸಿದೆ. ಟಾಸ್ ಸೋತು ಮೊದಲು ಬ್ಯಾಟಿಂಗ್ ನಡೆಸಿದ ರಾಜಸ್ಥಾನ 20 ಓವರ್ ಗಳಲ್ಲಿ ಐದು ವಿಕೆಟ್ ನಷ್ಟಕ್ಕೆ 203 ರನ್ ಗಳಿಸಿತು. ರಾಜಸ್ಥಾನ ಪರ ಅಬ್ಬರಿಸಿದ ಜೈಸ್ವಾಲ್ 54, ಬಟ್ಲರ್ 54, ಸ್ಯಾಮ್ಸನ್ 55, ಹ್ಯಾಟ್ಮಯರ್ 22 ರನ್ ಗಳಿಸಿದರು.

  ಇದಕ್ಕೆ ಉತ್ತರವಾಗಿ ಹೈದ್ರಾಬಾದ್ ತಂಡ ಎಂಟು ವಿಕೆಟ್ ನಷ್ಟಕ್ಕೆ 131 ರನ್ ಗಳಿಸಿ ಸೋಲೊಪ್ಪಿಕೊಂಡಿತು. ಹೈದ್ರಾಬಾದ್ ಪರ ಮಾಯಂಕ್ 27, ಸಮಾದ್ 32 ರನ್ ಗಳಿಸಿದರು. ಉಳಿದಂತೆ ಯಾವುದೇ ಆಟಗಾರರು ಉತ್ತಮ ಪ್ರದರ್ಶನ ನೀಡಲಿಲ್ಲ. ಅಂತಿಮವಾಗಿ 72 ರನ್ ಗಳ ಅಂತರದ ಸೋಲು ಕಂಡಿತು.

  ರಾಜಸ್ಥಾನ ಪರ ಚಾಹಲ್ 4, ಬೋಲ್ಟ್ 2 ವಿಕೆಟ್ ಪಡೆದರು.