18ಕೆ ಮ್ಯಾರಥಾನ್‌ಗೆ ಚಾಲನೆ-'ನಮಸ್ಕಾರ ಬೆಂಗಳೂರು' ಎಂದ ಕೊಹ್ಲಿ

•   Sun, Mar 26 2023 12:59:36 PM



• ಬೆಂಗಳೂರು, ಮಾ 26 (DaijiworldNews/DB): ಕ್ರಿಕೆಟಿಗ ವಿರಾಟ್ ಕೊಹ್ಲಿ ಅವರು ಬೆಂಗಳೂರಿನ ಹೊಸಕೆರೆಹಳ್ಳಿ ಟೋಲ್​ ಬಳಿ 18ಕೆ ಮ್ಯಾರಥಾನ್‌ಗೆ ಇಂದು ಚಾಲನೆ ನೀಡಿದ್ದಾರೆ.

  ಮ್ಯಾರಥಾನ್‌ಗೆ ಚಾಲನೆ ನೀಡಿದ ಬಳಿಕ ಕನ್ನಡದಲ್ಲೇ ಮಾತು ಆರಂಭಿಸಿದ ಕೊಹ್ಲಿ, ನಮಸ್ಕಾರ ಬೆಂಗಳೂರು ಎಂದರು. ಈ ವೇಳೆ ಅಲ್ಲಿ ನೆರೆದಿದ್ದ ಕೊಹ್ಲಿ ಅಭಿಮಾನಿಗಳು ಚಪ್ಪಾಳೆ ತಟ್ಟಿ ಹರ್ಷೋದ್ಗಾರ ಮಾಡಿದರು. ಇಷ್ಟೊಂದು ಸಂಖ್ಯೆಯಲ್ಲಿ ಜನ ಸೇರಿರುವುದನ್ನು ನೋಡುವುದಕ್ಕೆ ತುಂಬಾ ಖುಷಿಯಾಗುತ್ತದೆ. ಮ್ಯಾರಥಾನ್‌ನಲ್ಲಿ ಭಾಗವಹಿಸುವ ಎಲ್ಲಾ ಸ್ಪರ್ಧಿಗಳಿಗೂ ಶುಭಾಶಯಗಳು ಎಂದು ಹೇಳಿದರು.

  ವಿರಾಟ್ ಕೊಹ್ಲಿ ಅವರನ್ನು ನೋಡಲು ಸ್ಥಳದಲ್ಲಿ ಸಾಕಷ್ಟು ಸಂಖ್ಯೆಯಲ್ಲಿ ಅಭಿಮಾನಿಗಳು ಸೇರಿದ್ದರು. ಕೊಹ್ಲಿ ವೇದಿಕೆಗೆ ಆಗಮಿಸುತ್ತಿದ್ದಂತೆ ಅವರತ್ತ ಹೋಗಲು ಜನ ಮುಗಿ ಬಿದ್ದರು. ಅಭಿಮಾನಿಗಳ ಸಂಭ್ರಮ ನೋಡಿದ ಕೊಹ್ಲಿ ಅಭಿಮಾನಿಗಳತ್ತ ಕೈ ಮುಗಿದು ಖುಷಿ ಪಟ್ಟರು.

  18 ಕಿಲೋ ಮೀಟರ್,​​ 10 ಕಿ.ಮೀ. ಮತ್ತು 5 ಕಿ.ಮೀ. ಓಟದ ಮ್ಯಾರಥಾನ್ ಇದಾಗಿದೆ.