ಐಪಿಎಲ್ 2023-ಡೆಲ್ಲಿ ಕ್ಯಾಪಿಟಲ್ಸ್ ಆಟಗಾರರ ಟಿ ಶರ್ಟ್‌ನಲ್ಲಿರಲಿದೆ ಪಂತ್ ಜೆರ್ಸಿ ಸಂಖ್ಯೆ

•   Sat, Mar 25 2023 11:44:30 AM



• ನವದೆಹಲಿ, ಮಾ 25 (DaijiworldNews/DB): ಐಪಿಎಲ್‌ ಹಂಗಾಮಕ್ಕೆ ದಿನಗಣನೆ ಆರಂಭವಾಗಿದೆ. ಎಲ್ಲಾ ಪಂದ್ಯಗಳೂ ಬಿರುಸಿನ ತಯಾರಿಯಲ್ಲಿ ತೊಡಗಿವೆ. ಆದರೆ ಡೆಲ್ಲಿ ಕ್ಯಾಪಿಟಲ್ಸ್ ತಂಡಕ್ಕೆ ಐಪಿಎಲ್ ಸಂಭ್ರಮದ ನಡುವೆಯೂ ರಿಷಭ್ ಪಂತ್ ಅನುಪಸ್ಥಿತಿ ಕಾಡುತ್ತಿದೆ. ಪಂತ್ ಅವರ ಅನುಪಸ್ಥಿತಿಯಲ್ಲಿಯೂ ಅವರಿಗೆ ವಿಶೇಷ ಗೌರವ ಸಲ್ಲಿಸಲು ತಂಡ ಸಿದ್ದವಾಗಿದೆ.

  ಹೌದು. ಡೆಲ್ಲಿ ಕ್ಯಾಪಿಟಲ್ಸ್‌ ತಂಡದಲ್ಲಿ ರಿಷಭ್ ಪಂತ್ ಅನುಪಸ್ಥಿತಿ ಹಿನ್ನೆಲೆಯಲ್ಲಿ ಡೇವಿಡ್ ವಾರ್ನರ್ ತಂಡವನ್ನು ಮುನ್ನಡೆಸಲಿದ್ದಾರೆ. ಆದರೆ ಪಂತ್ ಅವರ ಅನುಪಸ್ಥಿತಿಯಲ್ಲಿಯೂ ತಂಡದ ಭಾಗವಾಗಿ ಅವರನ್ನು ಕಾಣುವ ನಿಟ್ಟಿನಲ್ಲಿ ತಂಡ ಹೊಸ ಉಪಾಯವೊಂದನ್ನು ಹುಡುಕಿದೆ. ಅದೆಂದರೆ ಪಂತ್ ಜರ್ಸಿ ಸಂಖ್ಯೆಯನ್ನು ತಮ್ಮ ಟೀ ಶರ್ಟ್ ಮತ್ತು ಕ್ಯಾಪ್‌ಗಳಲ್ಲಿ ಧರಿಸುವುದು.

  ದೆಹಲಿಯಲ್ಲಿ ಮಾತನಾಡುವ ವೇಳೆ ರಿಕಿ ಪಾಂಡಿಂಗ್ ಈ ಮಾತು ಹೇಳಿದ್ದಾರೆ. ಪ್ರತಿ ಪಂದ್ಯದ ಡಗೌಟ್‌ನಲ್ಲಿ ಪಂತ್ ನನ್ನ ಪಕ್ಕದಲ್ಲಿಯೇ ಇರುತ್ತಿದ್ದರು. ಆದರೆ ಈ ಐಪಿಎಲ್‌ನಲ್ಲಿ ಅವರು ತಂಡದಲ್ಲಿ ಪಾಲ್ಗೊಳ್ಳಲು ಸಾಧ್ಯವಾಗುತ್ತಿಲ್ಲ. ಅವರ ಆರೋಗ್ಯ ಸದ್ಯ ಚೇತರಿಸಿಕೊಳ್ಳುತ್ತಿದೆ. ಅವರ ಜರ್ಸಿ ಸಂಖ್ಯೆಯನ್ನು ನಮ್ಮ ಟೀ ಶರ್ಟ್ ಮತ್ತು ಕ್ಯಾಪ್‌ನಲ್ಲಿ ಬಳಸಿಕೊಳ್ಳುವ ಮೂಲಕ ಪಂತ್‌ಗೆ ಗೌರವ ಸಲ್ಲಿಸುತ್ತೇವೆ. ಅವರು ಶೀಘ್ರ ಚೇತರಿಸಿಕೊಂಡು ಮತ್ತೆ ತಂಡಕ್ಕೆ ಮರಳಲಿ ಎಂದು ಹಾರೈಸುತ್ತೇವೆ ಎಂದಿದ್ದಾರೆ.