ಆಸೀಸ್ ವಿರುದ್ದದ 4ನೇ ಟೆಸ್ಟ್ ಪಂದ್ಯ-ಮೂರು ವರ್ಷಗಳ ಬಳಿಕ ಕೊಹ್ಲಿ ಶತಕ

•   Sun, Mar 12 2023 01:54:14 PM



• ಅಹಮದಾಬಾದ್, ಮಾ 12 (DaijiworldNews/DB): ಬರೋಬ್ಬರಿ ಮೂರು ವರ್ಷಗಳ ಬಳಿಕ ಟೆಸ್ಟ್ ಪಂದ್ಯದಲ್ಲಿ ವಿರಾಟ್ ಕೊಹ್ಲಿ ಶತಕದ ಬರ ನೀಗಿದೆ. ಅಹಮದಾಬಾದ್‌ನ ನರೇಂದ್ರ ಮೋದಿ ಸ್ಟೇಡಿಯಂನಲ್ಲಿ ನಡೆಯುತ್ತಿರುವ ಆಸ್ಟ್ರೇಲಿಯಾ ವಿರುದ್ಧದ ನಾಲ್ಕನೇ ಟೆಸ್ಟ್ ಪಂದ್ಯದಲ್ಲಿ ಕೊಹ್ಲಿ ಶತಕ ಸಿಡಿಸಿದ್ದಾರೆ.

  ಕೊಹ್ಲಿ ಬ್ಯಾಟಿಂಗ್ ಬಗ್ಗೆ ಕಳೆದ ಕೆಲವು ತಿಂಗಳುಗಳ ಹಿಂದೆ ಸಾಕಷ್ಟು ಟೀಕೆ ವ್ಯಕ್ತವಾಗಿತ್ತು. ಆದರೆ ಬಳಿಕ ಫಾರ್ಮ್‌ಗೆ ಮರಳಿದ್ದ ಕೊಹ್ಲಿ ಕಳೆದ ವರ್ಷ ಏಷ್ಯಾಕಪ್ 2022ರಲ್ಲಿ ಮೊದಲ ಟಿ20 ಶತಕವನ್ನು ದಾಖಲಿಸಿದ್ದರು. ಆನಂತರ ಇದೀಗ ಟೆಸ್ಟ್‌ ಕ್ರಿಕೆಟ್‌ನಲ್ಲಿ ಶತಕದ ಗಡಿ ದಾಟುವ ಮೂಲಕ ಮೂರು ವರ್ಷಗಳ ನಂತರ ಟೆಸ್ಟ್ ಕ್ರಿಕೆಟ್‌ನಲ್ಲಿ ಶತಕದ ಬರ ನೀಗಿಸಿದ್ದಾರೆ.

  ತಮ್ಮ ಕತ್ತಿನಲ್ಲಿರುವ ಸರದ ಪೆಂಡೆಂಟ್‌ಗೆ ಚುಂಬಿಸುವ ಮೂಲಕ ಈ ಶತಕದ ಸಂಭ್ರಮವನ್ನು ಕೊಹ್ಲಿ ವಿಶಿಷ್ಟವಾಗಿ ಆಚರಿಸಿದರು.

  ಅಂತಾರಾಷ್ಟ್ರೀಯ ಕ್ರಿಕೆಟ್‌ನಲ್ಲಿ ಕೊಹ್ಲಿಗಿದು 75ನೇ ಶತಕ. ಏಕದಿನ ಮಾದರಿಯಲ್ಲಿ ಇದುವರೆಗೆ 46 ಶತಕ ಸಿಡಿಸಿರುವ ಕೊಹ್ಲಿ, ಟೆಸ್ಟ್‌ನಲ್ಲಿ 28 ಶತಕದ ದಾಖಲೆ ಹೊಂದಿದ್ದಾರೆ.