'ಧೋನಿಗಿದು ಕೊನೆಯ ಐಪಿಎಲ್'-ಸಿಎಸ್‌ಕೆ ಮಾಜಿ ಆಟಗಾರ

•   Sat, Mar 11 2023 12:37:09 PM



• ಮುಂಬೈ, ಮಾ 11 (DaijiworldNews/DB): ಬಹುಶಃ 16ನೇ ಆವೃತ್ತಿಯ ಐಪಿಎಲ್ ಎಂ.ಎಸ್. ಧೋನಿಗೆ ಕೊನೆಯ ಐಪಿಎಲ್ ಆಗಿರಬಹುದು ಎಂದು ಸಿಎಸ್‌ಕೆಯ ಮಾಜಿ ಆಟಗಾರ ಮ್ಯಾಥ್ಯೂ ಹೇಡನ್ ಹೇಳಿದ್ದಾರೆ. ಆ ಮೂಲಕ ಧೋನಿ ಮುಂದಿನ ಐಪಿಎಲ್ ಆಡುವುದರೊಂದಿಗೆ ಐಪಿಎಲ್ ಪಂದ್ಯಗಳಿಗೆ ವಿದಾಯ ಹೇಳಲಿದ್ದಾರೆ ಎಂಬ ಸುದ್ದಿಗಳಿಗೆ ಪುಷ್ಠಿ ಸಿಕ್ಕಂತಾಗಿದೆ.

  ಮಾಧ್ಯಮವೊಂದರ ಜೊತೆ ಮಾತನಾಡಿದ ಹೇಡನ್, ಧೋನಿ ವಿದಾಯದ ಹಿನ್ನೆಲೆಯಲ್ಲಿ ಸಿಎಸ್‌ಕೆ ತಯಾರಿ ಮಾಡಿಕೊಳ್ಳುತ್ತಿದೆ. ಹೀಗಾಗಿ ಮುಂದಿನ ಆವೃತ್ತಿ ಅದ್ದೂರಿಯಾಗಿರಲಿದೆ. ಧೋನಿ ಅವರು ಮುಂದಿನ ಆವೃತ್ತಿಯಲ್ಲಿ ಬಹುಶಃ ಕೊನೆಯದಾಗಿ ಆಡಲಿದ್ದಾರೆ ಎಂದಿದ್ದಾರೆ.

  ತಂಡ ಕಟ್ಟುವುದು ಮತ್ತು ಸುಧಾರಿಸಿಕೊಂಡು ಹೋಗುವ ಕಲೆ ಧೋನಿಯವರಿಗಿದೆ. ಅವರ ಮಾರ್ಗದರ್ಶನದಲ್ಲಿ ಹಲವರು ಉತ್ತಮವಾದುದನ್ನೇ ಕಂಡು ಕೊಂಡಿದ್ದಾರೆ. ಚೆಪಾಕ್ ಕ್ರೀಡಾಂಗಣದಲ್ಲಿ ಅವರು ಐಪಿಎಲ್‌ಗೆ ವಿದಾಯ ಹೇಳಲಿದ್ದಾರೆ. ಆ ಕ್ಷಣ ಮರೆಯಲಾಗದ ಕ್ಷಣವಾಗಿ ಉಳಿಯಲಿದೆ. ಅಭಿಮಾನಿಗಳೂ ಕ್ರೀಡಾಂಗಣಕ್ಕೆ ದೊಡ್ಡ ಸಂಖ್ಯೆಯಲ್ಲಿ ಆಗಮಿಸುವ ನಿರೀಕ್ಷೆಯಿದೆ ಎಂದು ಹೇಳಿದ್ದಾರೆ.