ರಶ್ಮಿಕಾ ಮೇಲೆ ಕ್ರಶ್ ಆಗಿದೆ ಎಂದ ಶುಭಮನ್ ಗಿಲ್

•   Tue, Mar 07 2023 01:27:18 PM



• ಮುಂಬಯಿ, ಮಾ 07 (DaijiworldNews/DB): ಟೀಂ ಇಂಡಿಯಾ ಆಟಗಾರ ಶುಭಮನ್ ಗಿಲ್‌ಗೆ ಕನ್ನಡದ ಚೆಲುವೆ ಮೇಲೆ ಕ್ರಶ್ ಆಗಿದೆಯಂತೆ. ಹೀಗಂತೆ ಖಾಸಗಿ ಮಾಧ್ಯಮವೊಂದರ ಸಂದರ್ಶನದಲ್ಲಿ ಅವರೇ ಹೇಳಿಕೊಂಡಿದ್ದಾರೆ.

  ಶುಭಮನ್ ಗಿಲ್ ಮತ್ತು ಸಾರಾ ಅಲಿ ಖಾನ್ ಅವರು ಡೇಟಿಂಗ್ ನಡೆಸುತ್ತಿದ್ದಾರೆಂಬ ಸುದ್ದಿ ಹಲವು ಸಮಯದಿಂದಲೇ ಕೇಳಿ ಬಂದಿತ್ತು. ಇನ್ನು ಸಚಿನ್ ತೆಂಡೂಲ್ಕರ್ ಪುತ್ರಿ ಸಾರಾ ತೆಂಡೂಲ್ಕರ್ ಅವರೊಂದಿಗೂ ಶುಭಮನ್ ಹೆಸರು ತಳುಕು ಹಾಕಿಕೊಂಡಿತ್ತು. ಬಾಲಿವುಡ್ ನಟ ಸೈಫ್ ಅಲಿಖಾನ್ ಮಗಳ ಜೊತೆಗೂ ಶುಭಮನ್‌ ಹೆಸರು ಕೇಳಿ ಬಂದಿತ್ತು. ಇದೀಗ ಈ ಎಲ್ಲರನ್ನು ಬಿಟ್ಟು ಕನ್ನಡದ ನಟಿಯೊಬ್ಬರ ಮೇಲೆ ಕ್ರಶ್ ಆಗಿರುವ ವಿಚಾರವನ್ನು ಶುಭಮನ್ ಹೇಳಿಕೊಂಡಿದ್ದಾರೆ.

  ಹೌದು ಕೊಡಗಿನ ಚೆಲುವೆ, ಸದ್ಯ ವಿವಿಧ ಭಾಷಾ ಚಿತ್ರರಂಗದಲ್ಲಿ ತೊಡಗಿಸಿಕೊಂಡು ಪ್ರಸಿದ್ದಿಯಾಗಿರುವ ನ್ಯಾಶನಲ್ ಕ್ರಶ್ ರಶ್ಮಿಕಾ ಮಂದಣ್ಣ ಅವರ ಮೇಲೆ ಕ್ರಶ್ ಆಗಿರುವುದಾಗಿ ಶುಭಮನ್ ಗಿಲ್ ಹೇಳಿಕೊಂಡಿದ್ದಾರೆ.

  ಹೆಚ್ಚು ಇಷ್ಟಪಟ್ಟ ನಟಿ ಯಾರೆಂದು ಸಂದರ್ಶಕರು ಕೇಳಿದಾಗ ಶುಭಮನ್ ರಶ್ಮಿಕಾ ಹೆಸರು ಹೇಳಿದ್ದಾರೆ. ಅಲ್ಲದೆ ರಶ್ಮಿಕಾ ಮೇಲೆ ಕ್ರಶ್ ಆಗಿರುವ ವಿಚಾರವನ್ನೂ ಅವರು ಬಹಿರಂಗಪಡಿಸಿದ್ದಾರೆ. ಇನ್ನು ರಶ್ಮಿಕಾ ಮೇಲೆ ಕ್ರಶ್ ಆಗಿರುವ ವಿಚಾರವನ್ನು ಶುಭಮನ್ ಹೇಳುತ್ತಿದ್ದಂತೆ, ಸಾಮಾಜಿಕ ಜಾಲತಾಣದಲ್ಲಿ ಶುಭಮನ್ ಮತ್ತು ರಶ್ಮಿಕಾ ಅಭಿಮಾನಿಗಳು ಆಕ್ಟೀವ್ ಆಗಿದ್ದಾರೆ. ಆದರೆ ಇದಕ್ಕೆ ರಶ್ಮಿಕಾ ಮಂದಣ್ಣ ಯಾವುದೇ ಪ್ರತಿಕ್ರಿಯೆ ನೀಡಿಲ್ಲ.

  ಸದ್ಯ ಬಾಲಿವುಡ್‌ನಲ್ಲಿ ಬ್ಯುಸಿಯಾಗಿರುವ ರಶ್ಮಿಕಾ ರಣಬೀರ್‍ ಕಪೂರ್‍ ಜೊತೆಗೆ ಅನಿಮಲ್ ಚಿತ್ರದಲ್ಲಿ ನಟಿಸುತ್ತಿದ್ದಾರೆ. ತೆಲುಗಿನ 'ಪುಷ್ಪ-2' ಚಿತ್ರದಲ್ಲಿಯೂ ರಶ್ಮಿಕಾ ಬ್ಯುಸಿಯಾಗಿದ್ದಾರೆ.