ನೈಸರ್ಗಿಕ ನೆಚ್ಚಿನ ತಾಣದಲ್ಲಿ ಕನಸಿನ ಮನೆ ಖರೀದಿಸಿದ ಕೊಹ್ಲಿ ದಂಪತಿ

•   Fri, Feb 24 2023 03:54:07 PM



• ಅಲಿಬಾಗ್, ಫೆ 24 (DaijiworldNews/DB): ಭಾರತದ ಕ್ರಿಕೆಟ್ ಆಟಗಾರ ವಿರಾಟ್ ಕೊಹ್ಲಿ ಅವರು ತಮ್ಮ ಕನಸಿನ ಮನೆಯನ್ನು ಖರೀದಿಸಿದ್ದಾರೆ. ಅಲಿಬಾಗ್‌ನ ಆವಾಸ್ ಗ್ರಾಮದಲ್ಲಿ ಕೊಹ್ಲಿಯ ಐಷಾರಾಮಿ ಬಂಗಲೆಯಿದೆ.

  ಭಾರತ ಮತ್ತು ಆಸ್ಟ್ರೇಲಿಯಾ ನಡುವಿನ 4 ಟೆಸ್ಟ್‌ಗಳ ಬಾರ್ಡರ್-ಗವಾಸ್ಕರ್ ಟ್ರೋಫಿಯಲ್ಲಿ ಬ್ಯುಸಿಯಾಗಿರುವ ಕೊಹ್ಲಿ ಇದೀಗ ತಮ್ಮ ಐಷಾರಾಮಿ ಬಂಗಲೆ ಮೂಲಕ ಸುದ್ದಿಯಾಗಿದ್ದಾರೆ. ಈ ಮನೆ ಕೊಹ್ಲಿಯ ಕನಸಿನ ಮನೆಯಾಗಿದ್ದು, ಇದಕ್ಕಾಗಿ ಅವರು 6 ಕೋಟಿ ರೂ.ಗಳನ್ನು ನೀಡಿದ್ದಾರಂತೆ. 2 ಸಾವಿರ ಚದರ ಅಡಿ ವಿಸ್ತೀರ್ಣದಲ್ಲಿ ಈ ವಿಲ್ಲಾ ಇದೆ. 400 ಚದರ ಅಡಿಯ ಈಜುಕೊಳ ಕೂಡಾ ಇದರಲ್ಲಿದೆ.

  ಆವಾಜ್‌ನಲ್ಲಿ ನೈಸರ್ಗಿಕ ಸೌಂದರ್ಯ ಹೆಚ್ಚಿದ್ದು, ಇದರಿಂದಾಗಿಯೇ ಸೆಲೆಬ್ರಿಟಿಗಳು ಈ ಪ್ರದೇಶವನ್ನು ಹೆಚ್ಚು ಇಷ್ಟಪಡುತ್ತಾರೆ. ಇದೀಗ ಕೊಹ್ಲಿ ಒಂದೆಜ್ಜೆ ಮುಂದೆ ಹೋಗಿ ವಿಲ್ಲಾವನ್ನೇ ಆ ಪ್ರದೇಶದಲ್ಲಿ ಖರೀದಿ ಮಾಡಿದ್ದಾರೆ.

  ಇನ್ನು ಈ ಮನೆಯನ್ನು ಕೊಹ್ಲಿ ಹಾಗೂ ಪತ್ನಿ ಅನುಷ್ಕಾ ಇಬ್ಬರೂ ತಮ್ಮ ಕನಸಿನ ಮನೆ ಎಂದೇ ಹೇಳಿಕೊಂಡಿದ್ದಾರೆ. ಕಳೆದ ಸೆಪ್ಟಂಬರ್‍ ತಿಂಗಳಿನಲ್ಲಿ 19.24 ಕೋಟಿ ರೂ.ಗಳ ಫಾರ್ಮ್ ಹೌಸ್‌ನ್ನು ಕೊಹ್ಲಿ ಖರೀದಿಸಿದ್ದರು.