'ಪಾಕಿಸ್ತಾನ ವಿರುದ್ಧದ ಪಂದ್ಯ ನಮಗೆ ಮುಖ್ಯ' - ಹರ್ಮನ್‌ಪ್ರೀತ್‌

•   Mon, Feb 06 2023 05:00:18 PM



• ಮುಂಬೈ, ಫೆ 06 ( DaijiworldNews/MS): ಚೊಚ್ಚಲ ಮಹಿಳಾ ಪ್ರೀಮಿಯರ್‌ ಲೀಗ್‌ನ (ಡಬ್ಲ್ಯುಪಿಎಲ್‌) ಆಟಗಾರ್ತಿಯರ ಹರಾಜು ಪ್ರಕ್ರಿಯೆ ಕುತೂಹಲ ಮೂಡಿಸಿದೆಯಾದರೂ, ಸದ್ಯ ನಾವು ಪಾಕಿಸ್ತಾನ ವಿರುದ್ಧದ ಪಂದ್ಯ ಗೆಲ್ಲುವ ತವಕದಲ್ಲಿದ್ದೇವೆ ಎಂದು ಭಾರತ ತಂಡದ ನಾಯಕಿ ಹರ್ಮನ್‌ಪ್ರೀತ್‌ ಕೌರ್‌ ಹೇಳಿದ್ದಾರೆ.

  T20 ವಿಶ್ವಕಪ್ ನಲ್ಲಿ ಪಾಕಿಸ್ತಾನದ ವಿರುದ್ಧ ಭಾರತದ ಫೆ.12 ರಂದು ಆಡಲಿದ್ದು ಮರುದಿನ ಫೆ.13ರಂದು ಮುಂಬೈನಲ್ಲಿ ಡಬ್ಲ್ಯುಪಿಎಲ್‌ ಹರಾಜು ಪ್ರಕ್ರಿಯೆ ನಡೆಯಲಿದೆ.

  ಈ ಬಗ್ಗೆ ಪತ್ರಿಕಾಗೋಷ್ಟಿಯಲ್ಲಿ ಮಾತನಾಡಿರುವ ಹರ್ಮನ್‌ಪ್ರೀತ್‌ ಕೌರ್‌, " ವಿಶ್ವಕಪ್ ಎಲ್ಲಕ್ಕಿಂತ ಹೆಚ್ಚು ಮುಖ್ಯವಾಗಿದೆ. ನಮ್ಮ ಗಮನವು ಐಸಿಸಿ ಟ್ರೋಫಿಯ ಮೇಲಿದೆ. ಇಂತಹ ವಿಷ್ಯಗಳು ಬರುತ್ತಲೇ ಇರುತ್ತದೆ ಆದರೆ ಓರ್ವ ಆಟಗಾರನಾಗಿ, ಈ ಸಮಯ ದಲ್ಲಿ ನಮಗೆ ಯಾವುದುಮುಖ್ಯ ಎಂಬುದನ್ನು ತಿಳಿಯುವಷ್ಟು ನಾವೆಲ್ಲರೂ ಪ್ರಬುದ್ಧರಾಗಿದ್ದೇವೆ" ಎಂದು ಹೇಳಿದ್ದಾರೆ.