ತಾಯಿಯಾಗುತ್ತಿದ್ದಾರೆ ನವೋಮಿ ಒಸಾಕಾ-2024ರವರೆಗೆ ಟೆನಿಸ್‌ಗೆ ವಿರಾಮ

•   Thu, Jan 12 2023 10:07:45 AM



• ನವದೆಹಲಿ, ಜ 12 (DaijiworldNews/DB): ನಾಲ್ಕು ಬಾರಿ ಗ್ರ್ಯಾಂಡ್ ಸ್ಲಾಮ್ ವಿಜೇತರಾಗಿದ್ದ ಟೆನಿಸ್ ತಾರೆ ನವೋಮಿ ಒಸಾಕಾ 2024ರವರೆಗೆ ಟೆನಿಸ್‌ಗೆ ವಿರಾಮ ಘೋಷಿಸಿದ್ದಾರೆ. ಇದಕ್ಕೆ ಕಾರಣ ಅವರು ತಾಯಿಯಾಗುತ್ತಿರುವುದು.

  ಹೌದು. 25 ವರ್ಷದ ನವೋಮಿ ಒಸಾಕಾ ತಾಯಿಯಾಗುತ್ತಿರುವ ಸಂತಸವನ್ನು ಹಂಚಿಕೊಂಡಿದ್ದು, ಇದಕ್ಕಾಗಿಯೇ ಮುಂದಿನ ಒಂದು ವರ್ಷಗಳ ಕಾಲ ಟೆನಿಸ್‌ನಿಂದ ದೂರುವುಳಿಯುವುದಾಗಿ ಹೇಳಿಕೊಂಡಿದ್ದಾರೆ. ನಾನು ಭವಿಷ್ಯದಲ್ಲಿ ಹಲವಾರು ವಿಚಾರಗಳನ್ನು ಎದುರು ನೋಡುತ್ತಿದ್ದೇನೆ. ಅದರಲ್ಲಿ ಮುಖ್ಯವಾದುದು ನನ್ನ ಮಗು. ನನ್ನ ಮಗು ಕೂಡಾ ನಾನು ಆಡುವ ಪಂದ್ಯಗಳನ್ನು ವೀಕ್ಷಿಸುವುದಕ್ಕಾಗಿ ನಾನು ಕಾಯುತ್ತಿದ್ದೇನೆ ಎಂದು ಟ್ವಿಟರ್‌ನಲ್ಲಿ ಬರೆದುಕೊಂಡಿದ್ದಾರೆ. ಇನ್ನು ಇದೇ ವೇಳೆ ಗರ್ಭಧಾರಣೆಯ ಸ್ಕ್ಯಾನ್‌ ಚಿತ್ರವನ್ನೂ ಅವರು ಟ್ವಿಟರ್‌ನಲ್ಲಿ ಹಂಚಿಕೊಂಡಿದ್ದಾರೆ.

  2023 ನನಗೆ ಹಲವು ಪಾಠಗಳಿಂದ ಕೂಡಿದ ವರ್ಷ. 2024 ಆಸ್ಟ್ರೇಲಿಯನ್ ಓಪನ್‌ನಲ್ಲಿ ಮತ್ತೆ ನಾನು ಹಿಂತಿರುಗಿ ಪಂದ್ಯಗಳಲ್ಲಿ ಭಾಗಿಯಾಗುತ್ತೇನೆ. ಎಲ್ಲರನ್ನೂ ಪ್ರೀತಿಸುತ್ತೇನೆ ಎಂದಿದ್ದಾರೆ.

  ಕಳೆದ ಸೆಪ್ಟಂಬರ್‌ನಿಂದ ಒಸಾಕಾ ಯಾವುದೇ ಟೆನಿಸ್ ಪಂದ್ಯಗಳಲ್ಲಿ ಕಾಣಿಸಿಕೊಂಡಿಲ್ಲ. ಇನ್ನು ಈ ಬಾರಿಯ ಆಸ್ಟ್ರೇಲಿಯನ್ ಓಪನ್ ಮುಂದಿನ ವಾರ ಪ್ರಾರಂಭವಾಗಲಿದ್ದು, ತಾಯಿಯಾಗುತ್ತಿರುವ ಕಾರಣದಿಂದ ಆ ಪಂದ್ಯದಿಂದ ಅವರು ಹಿಂದೆ ಸರಿದಿದ್ದಾರೆ.

  Can’t wait to get back on the court but here’s a little life update for 2023. pic.twitter.com/GYXRnutU3I

  — NaomiOsaka大坂なおみ (@naomiosaka) January 11, 2023