Sports
ದುಬೈಯಲ್ಲಿ ಹೊಸ ವರ್ಷವನ್ನು ಸ್ವಾಗತಿಸಿದ ಕೊಹ್ಲಿ ದಂಪತಿ
- Sun, Jan 01 2023 02:51:46 PM
-
ದುಬೈ, ಜ 01 (DaijiworldNews/DB): ಟೀಂ ಇಂಡಿಯಾ ಮಾಜಿ ನಾಯಕ ವಿರಾಟ್ ಕೊಹ್ಲಿ ದಂಪತಿ ಹೊಸ ವರ್ಷವನ್ನು ದುಬೈನಲ್ಲಿ ಆಚರಿಸಿಕೊಂಡಿದ್ದಾರೆ. ಹೊಸ ವರ್ಷವನ್ನು ಬರಮಾಡಿಕೊಳ್ಳುವುದಕ್ಕಾಗಿಯೇ ವಿರುಷ್ಕಾ ಜೋಡಿ ದಿನದ ಮೊದಲೇ ದುಬೈಗೆ ಹಾರಿದ್ದರು.
ಶ್ರೀಲಂಕಾ ವಿರುದ್ದ ಟಿ20 ಸರಣಿಯಿಂದ ಕೊಹ್ಲಿಗ ವಿಶ್ರಾಂತಿ ನೀಡಲಾಗಿದ್ದು, ಸದ್ಯ ಅವರು ಪತ್ನಿ ಅನುಷ್ಕಾ ಮತ್ತು ಮಗಳೊಂದಿಗೆ ಕಾಲ ಕಳೆಯುತ್ತಿದ್ದಾರೆ. ಕ್ರಿಕೆಟ್‌ನಿಂದ ಬಿಡುವು ಪಡೆದಿರುವ ಕಾರಣ ಪತ್ನಿ, ಮಗಳೊಂದಿಗೆ ಕೊಹ್ಲಿ ದುಬೈಗೆ ಹಾರಿದ್ದಾರೆ. ದುಬೈಯಲ್ಲಿ ಈ ಜೋಡಿ ಹೊಸ ವರ್ಷವನ್ನು ಸ್ವಾಗತಿಸಿಕೊಂಡಿದ್ದಾರೆ.
ಇನ್ನು ದುಬೈಯಲ್ಲಿ ಹೊಸ ವರ್ಷಾಚರಣೆ ಮಾಡಿರುವ ಬಗ್ಗೆ ಕೊಹ್ಲಿ ಪತ್ನಿ, ನಟಿ ಅನುಷ್ಕಾ ಶರ್ಮಾ ತಮ್ಮ ಇನ್‌ಸ್ಟಾಗ್ರಾಂನಲ್ಲಿ ಪೋಸ್ಟ್‌ ಹಂಚಿಕೊಂಡಿದ್ದು, ಈ ನಗರ, ನಾವು, ಕಳೆದ ರಾತ್ರಿ ಎಂಬುದಾಗಿ ಕ್ಯಾಪ್ಶನ್ ಬರೆದುಕೊಂಡಿದ್ದಾರೆ. ಇನ್ನು ಕೊಹ್ಲಿ ಕೂಡಾ ತಮ್ಮ ಇನ್‌ಸ್ಟಾಗ್ರಾಂ ಖಾತೆಯಲ್ಲಿ ಪೋಸ್ಟ್‌ ಮಾಡಿದ್ದು, ಹಾರ್ಟ್ ಇಮೋಜಿ ಹಾಕಿ 2023 ಎಂದು ಬರೆದುಕೊಂಡಿದ್ದಾರೆ.
ಏಕದಿನ ಸರಣಿ ಸಂದರ್ಭದಲ್ಲಿ ಕೊಹ್ಲಿ ಮರಳಿ ತಂಡವನ್ನು ಸೇರಿಕೊಳ್ಳಲಿದ್ದಾರೆ. ಅನುಷ್ಕಾ ಅಭಿನಯದ ಚಕ್ಡಾ ಎಕ್ಸ್‌ಪ್ರೆಸ್ ಚಿತ್ರ ಶೀಘ್ರ ಬಿಡುಗಡೆಯ ಹಂತದಲ್ಲಿದೆ.
ಚಾನಲ್ ಫಾಲೋ ಮಾಡಿ
