ಟಿ-20 ಸರಣಿಯಲ್ಲಿ ಇಂಗ್ಲೆಂಡ್ ಗೆ ಶರಣಾದ ಭಾರತೀಯ ವನಿತೆಯರು

•   Thu, Mar 07 2019 04:08:41 PM



• ಗುವಾಹಾಟಿ, ಮಾ 07(SM): ಭಾರತರ ವನಿತೆಯರ ವಿರುದ್ಧದ ಎರಡನೇಯ ಟಿ-20 ಪಂದ್ಯವನ್ನು ಗೆಲ್ಲುವ ಮೂಲಕ 3 ಪಂದ್ಯಗಳ ಸರಣಿಯನ್ನು ಇಂಗ್ಲೆಂಡ್ ವಶಪಡಿಸಿಕೊಂಡಿದೆ.

  

  ಇಂದು ಗುವಾಹಾಟಿಯ ಬರ್ಸಪರ ಮೈದಾನದಲ್ಲಿ ನಡೆದ ಪಂದ್ಯದಲ್ಲಿ ಮೊಂದಲು ಬ್ಯಾಟಿಂಗ್ ಮಾಡಿದ ಟೀಂ ಇಂಡಿಯಾದ ವನಿತೆಯರು 20 ಓವರ್ ನಲ್ಲಿ 8 ವಿಕೆಟ್ ನಷ್ಟಕ್ಕೆ 111 ರನ್ ಗಳನು ಪೇರಿಸಲಷ್ಟೇ ಶಕ್ತರಾದರು. ಭಾರತದ ಪರ ಮಿಥಾಲಿ ರಾಜ್ 20 ರನ್ ಸಿಡಿಸಿದ್ದೇ ಅತ್ಯಧಿಕವಾಗಿತ್ತು. ಇಂಗ್ಲೆಂಡ್ ನ ಮಾರಕ ದಾಳಿಗೆ ಪರದಾಡಿದ ಟೀಂ ಇಂಡಿಯಾ 111ರನ್ ಗಳ ಅಲ್ಪ ಮೊತ್ತದ ಸವಾಲು ನೀಡಲಷ್ಟೇ ಶಕ್ತವಾಯಿತು.

  ಭಾರತೀಯ ವನಿತೆಯರು ನೀಡಿದ ಸುಲಭ ಗುರಿಯನ್ನು ಬೆನ್ನಟ್ಟಿದ ಇಂಗ್ಲೆಂಡ್ 19.1 ಓವರ್ ನಲ್ಲಿ 114ರನ್ ಗಳನ್ನು ದಾಖಲಿಸುವ ಮೂಲಕ ಗೆಲುವಿನ ನಗೆ ಬೀರಿತು. ಇಂಗ್ಲೆಂಡ್ ಪರ ಡೇನಿಯಲ್ ವ್ಯಾಟ್ 64 ರನ್ ಗಳನ್ನು ಸಿಡಿಸುವ ಮೂಲಕ ತಂಡದ ಗೆಲುವಿಗೆ ನೆರವಾದರು.

  ಏಕ ದಿನ ಸರಣಿ ಗೆದ್ದಿದ್ದ ಭಾರತೀಯ ಮಹಿಳಾ ತಂಡ ಕಳೆದ 6 ಟಿ-20 ಪಂದ್ಯಗಳಲ್ಲಿ ಸೋಲನುಭವಿಸಿದೆ.