ಕ್ರಿಶ್ಚಿಯಾನೋ ರೊನಾಲ್ಡೊ ಗೆಲುವಿಗೆ ಶರ್ಟ್ ಬಿಚ್ಚಿ ಸಂಭ್ರಮಿಸಿದ ಅಮೆರಿಕಾ ಆಟಗಾರ್ತಿ!

•   Sun, Dec 04 2022 11:57:19 AM



• ನ್ಯೂಯಾರ್ಕ್, ಡಿ 04 (DaijiworldNews/DB): ಫುಟ್‌ಬಾಲ್ ಲೆಜೆಂಡ್ ಕ್ರಿಸ್ಟಿಯಾನೋ ರೊನಾಲ್ಡೊ ಅವರು ತಾವು ಧರಿಸಿದ್ದ ಶರ್ಟ್ ಬಿಚ್ಚಿ ಮೈದಾನದಲ್ಲಿ ಓಡಿ ಇತ್ತೀಚೆಗೆ ತಮ್ಮ ಗೆಲುವನ್ನು ಸಂಭ್ರಮಿಸಿದ್ದರು. ಇದೀಗ ಅವರ ಅಭಿಮಾನಿಯಾಗಿರುವ ಅಮೆರಿಕದ ಆಟಗಾರ್ತಿಯೊಬ್ಬರು ರೊನಾಲ್ಡೊರಂತೆಯೇ ತಾವು ಧರಿಸಿದ್ದ ಶರ್ಟ್‌ನ್ನು ಬಿಚ್ಚಿ ರೊನಾಲ್ಡೊ ಗೆಲುವನ್ನು ಸಂಭ್ರಮಿಸಿದ್ದಾರೆ.

  ಅಮೆರಿಕಾ ಮೂಲದ ಮಾಜಿ ಗಾಲ್ಫ್ ಆಟಗಾರ್ತಿ ಸ್ಪಿರಾನಾಕ್ ಅವರೇ ರೊನಾಲ್ಡೊ ಗೆಲುವನ್ನು ಗಾಲ್ಪ್ ಮೈದಾನದಲ್ಲಿ ಈ ರೀತಿ ವಿಚಿತ್ರವಾಗಿ ಸಂಭ್ರಮಿಸಿದವರು. ಕ್ರಿಶ್ಚಿಯಾನೊ ರೊನಾಲ್ಡೊ ಮೇಲೆ ಅತಿಯಾದ ಅಭಿಮಾನ ಹೊಂದಿರುವ ಈ ಆಟಗಾರ್ತಿ ಕತಾರ್‌ನಲ್ಲಿ ನಡೆಯುತ್ತಿರುವ ಫಿಫಾ ವಿಶ್ವಕಪ್‌ನಲ್ಲಿ ಕ್ರಿಶ್ಚಿಯಾನೊ ರೊನಾಲ್ಡೊ ಗೆಲುವು ಸಾಧಿಸಿದ್ದನ್ನು ಕಂಡು ಖುಷಿ ಪಟ್ಟಿದ್ದಾರೆ. ಆ ಖುಷಿಯನ್ನು ರೊನಾಲ್ಡೊ ರೀತಿಯಲ್ಲೇ ತಮ್ಮ ಶರ್ಟ್ ಬಿಚ್ಚಿ ಸಂಭ್ರಮಿಸಿದ್ದಾರೆ.

  ತಮ್ಮ ಅಭಿಮಾನದ ಸಂಭ್ರಮವನ್ನು ಸೋಶಿಯಲ್ ಮೀಡಿಯಾದಲ್ಲಿ ಸ್ಪಿರಾನಾಕ್ ಅಪ್ಲೋಡ್ ಮಾಡಿದ್ದಾರೆ. ಸದ್ಯ ಈ ಫೋಟೋ ಸಾಮಾಜಿಕ ಜಾಲತಾಣದಲ್ಲಿ ಸಖತ್ ವೈರಲ್ ಆಗಿದೆ. ನಾನು ಫುಟ್‌ಬಾಲ್‌ನ ಅಭಿಮಾನಿಯಾಗಿರಲಿಲ್ಲ. ಆದರೆ ಕ್ರಿಸ್ಟಿಯಾನೋ ರೊನಾಲ್ಡೋ ಮೇಲಿನ ಅಭಿಮಾನವೇ ಫುಟ್‌ಬಾಲ್ ಮೇಲೆ ಅಭಿಮಾನ ಬೆಳೆಸಿಕೊಳ್ಳುವಂತೆ ಮಾಡಿತು ಎಂದವರು ಇದೇ ವೇಳೆ ಹೇಳಿಕೊಂಡಿದ್ದಾರೆ.