ವಿಶ್ವ ಕ್ರಿಕೆಟ್ ನಲ್ಲಿಲ್ಲದಿದ್ದರೂ ದೇಶಿ ಕ್ರಿಕೆಟ್ ಮೂಲಕ ರೈನಾ ರೆಕಾರ್ಡ್

•   Mon, Feb 25 2019 11:01:33 PM



• ನವದೆಹಲಿ, ಫೆ 25(SM): ಟೀಂ ಇಂಡಿಯಾದ ಮಧ್ಯಮ ಕ್ರಮಾಂಕದ ಬ್ಯಾಟ್ಸ್​ಮನ್​ ಸುರೇಶ್​ ರೈನಾ, ಒಂದೊಮ್ಮೆ ಫಿನಿಷರ್​ ಎಂಬ ಪಟ್ಟ ಕಟ್ಟಿಕೊಂಡಿದ್ದರು. ಆದರೆ ಇತ್ತೀಚಿನ ವರ್ಷಗಳಲ್ಲಿ ಅವರು ತಂಡದಿಂದ ಕಡೆಗಣಿಸಲ್ಪಟ್ಟಿದ್ದಾರೆ. ದೇಶಿಯವಾಗಿ ನಡೆಯೋ ಪಂದ್ಯಗಳಲ್ಲಿ ಮಾತ್ರ ಲೆಫ್ಟಿ ರೈನಾ ಕಾಣಿಸಿಕೊಳ್ಳುತ್ತಿದ್ದಾರೆ.

  

  ಇದೀಗ ಎಡಗೈ ಬ್ಯಾಟ್ಸ್ ಮನ್ ಟಿ-20 ಕ್ರಿಕೆಟ್​​ನಲ್ಲಿ ಹೊಸದೊಂದು ದಾಖಲೆ ನಿರ್ಮಾಣ ಮಾಡಿದ್ದಾರೆ. ಭಾರತೀಯ ಬ್ಯಾಟ್ಸ್​​ಮನ್​ಗಳ ಪೈಕಿ ಟಿ-20ಯಲ್ಲಿ ಅತಿ ಹೆಚ್ಚು ರನ್ ​ಗಳಿಸಿರುವ ಆಟಗಾರನೆಂಬ ಹೆಗ್ಗಳಿಕೆಗೆ ರೈನಾ ಪಾತ್ರರಾಗಿದ್ದಾರೆ. ಒಟ್ಟು 300 ಪಂದ್ಯಗಳ 284 ಇನ್ನಿಂಗ್ಸ್​ಗಳಿಂದ 8,001 ರನ್ ಗಳನ್ನು ಪೇರಿಸಿದ್ದಾರೆ. ವಿಶ್ವ ಟಿ-೨೦ ಕ್ರಿಕೆಟ್ ನಲ್ಲಿ ಇಷ್ಟು ರನ್ ಗಳಿಸಿದ ಆರನೇ ಆಟಗಾರರಾಗಿದ್ದಾರೆ.

  ಸದ್ಯ ಸಯ್ಯದ್​ ಮುಷ್ತಾಕ್​ ಅಲಿ ಟಿ-20 ಟೂರ್ನಿಯಲ್ಲಿ ಉತ್ತರಪ್ರದೇಶದ ತಂಡದ ಪರ ರೈನಾ ಬ್ಯಾಟ್​ ಬೀಸುತ್ತಿದ್ದಾರೆ. ಟಿ-20ಯಲ್ಲಿ ಇಲ್ಲಿಯವರೆಗೆ ನಾಲ್ಕು ಶತಕ ಹಾಗೂ 48 ಅರ್ಧಶತಕ ಸಿಡಿಸಿದ್ದಾರೆ.