ನಿಮ್ಮ ಅಡುಗೆ ಮನೆಯೇಕೆ ಅಷ್ಟು ಗಲೀಜು?-ಕೊಹ್ಲಿ ದಂಪತಿ ಕಾಲೆಳೆದ ನೆಟ್ಟಿಗರು

•   Thu, Nov 24 2022 10:44:51 AM



• ಮುಂಬೈ, ನ 24 (DaijiworldNews/DB): ಸ್ಟಾರ್ ಆಟಗಾರರು, ಸಿನೆಮಾ ನಟ-ನಟಿಯರು ಸಾಮಾಜಿಕ ಜಾಲತಾಣಗಳಲ್ಲಿ ಟ್ರೋಲ್ ಆಗುವುದು ಸಾಮಾನ್ಯ. ಇದೀಗ ಅಡುಗೆ ಮನೆಯನ್ನು ಶುಚಿಯಾಗಿಟ್ಟಲ್ಲವೆಂಬ ಕಾರಣಕ್ಕೆ ವಿರುಷ್ಕಾ ದಂಪತಿ ಟ್ರೋಲ್ ಆಗಿದ್ದಾರೆ.

  ಹೌದು ವಿರಾಟ್ ಕೊಹ್ಲಿ ಮತ್ತು ಅನುಷ್ಕಾ ಶರ್ಮಾ ಆತ್ಮೀಯವಾಗಿರುವ ಚಿತ್ರವೊಂದು ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದ್ದು, ಇದು ಅವರ ಅಡುಗೆ ಮನೆಯ ಚಿತ್ರವಾಗಿದೆ. ಅಡುಗೆ ಮನೆಯಲ್ಲಿ ದಂಪತಿ ಸಿಂಕ್ ಬಳಿ ನಿಂತುಕೊಂಡಿದ್ದು, ಸಿಂಕ್‌ನ ಆಸುಪಾಸಿನಲ್ಲಿ ಶುಚಿತ್ವ ಇಲ್ಲದಂತೆ ಚಿತ್ರದಲ್ಲಿ ಕಂಡು ಬರುತ್ತಿದೆ. ಅಲ್ಲದೆ ಅವರು ನಿಂತಿರುವ ಜಾಗದಲ್ಲಿ ಕಾಲಿನ ಕೆಳಗೆ ಕಾಗದದ ರಾಶಿ ಬಿದ್ದುಕೊಂಡಿದೆ. ಇದನ್ನೇ ಟ್ರೋಲ್‌ಗೆಂದು ಬಳಸಿಕೊಂಡಿರುವ ನೆಟ್ಟಿಗರು ನಿಮ್ಮ ಅಡುಗೆ ಮನೆಯೇಕೆ ಇಷ್ಟು ಗಲೀಜಾಗಿದೆ ಎಂದು ವಿರುಷ್ಕಾ ದಂಪತಿಗೆ ಪ್ರಶ್ನಿಸಿದ್ದಾರೆ.

  ಇದು ಯಾವಾಗಿನ ಚಿತ್ರವೆಂದು ಗೊತ್ತಿಲ್ಲ. ಆದರೆ ನೆಟ್ಟಿಗರು ಈ ಚಿತ್ರವನ್ನು ಇದೀಗ ವೈರಲ್ ಮಾಡಿದ್ದು, ಕೊಹ್ಲಿ ದಂಪತಿಯ ಕಾಲೆಳೆಯುತ್ತಿದ್ದಾರೆ.