ಕಾರ್ಕಳ: ವೃತ್ತ ಮಟ್ಟದ ಕ್ರೀಡಾಕೂಟ-ಕ್ರೈಸ್ಟ್‌ಕಿಂಗ್ ಪ್ರಾಥಮಿಕ ಶಾಲೆ ಸಮಗ್ರ ಚಾಂಪಿಯನ್

•   Fri, Oct 21 2022 06:57:34 PM



• ಕಾರ್ಕಳ, ಅ 21 (DaijiworldNews/DB): ಶಾಲಾ ಶಿಕ್ಷಣ ಮತ್ತು ಸಾಕ್ಷರತಾ ಇಲಾಖೆ, ಕಾರ್ಕಳ ಕ್ಷೇತ್ರ ಶಿಕ್ಷಣಾಧಿಕಾರಿಗಳ ಕಚೇರಿ ಹಾಗೂ ಕಾರ್ಕಳ ಕ್ರೈಸ್ಟ್‌ಕಿಂಗ್ ಆಂಗ್ಲ ಮಾಧ್ಯಮ ಪ್ರಾಥಮಿಕ ಶಾಲೆಯ ಸಂಯುಕ್ತ ಆಶ್ರಯದಲ್ಲಿ ಸ್ಥಳೀಯ ಗಾಂಧಿ ಮೈದಾನದಲ್ಲಿ ನಡೆದ ವೃತ್ತ ಮಟ್ಟದ ಪ್ರಾಥಮಿಕ ಶಾಲಾ ಕ್ರೀಡಾಕೂಟದಲ್ಲಿ ಕಾರ್ಕಳದ ಕ್ರೈಸ್ಟ್‌ಕಿಂಗ್ ಆಂಗ್ಲ ಮಾಧ್ಯಮ ಶಾಲೆ ಸಮಗ್ರ ಚಾಂಪಿಯನ್ ಆಗಿ ಹೊರಹೊಮ್ಮಿತು.

  ಬಾಲಕರ ವಿಭಾಗದಲ್ಲಿಯೂ ಸಮಗ್ರ ಚಾಂಪಿಯನ್ ಪ್ರಶಸ್ತಿಯನ್ನು ತನ್ನ ಮುಡಿಗೇರಿಸಿಕೊಂಡಿತು. ಏಳನೇ ತರಗತಿಯ ಶ್ರೇಯಸ್ ದೇವಾಡಿಗ 400 ಮೀ ಓಟ ಪ್ರಥಮ ಹಾಗೂ 600 ಮೀ ಓಟ ದ್ವಿತೀಯ, ಮುಝಾಮ್ಮಿಲ್ ಎತ್ತರ ಜಿಗಿತ ಹಾಗೂ ಹರ್ಡಲ್ಸ್ ಪ್ರಥಮ, ಉದ್ದ ಜಿಗಿತ ತೃತೀಯ, ಸಂಗಮ್ 600 ಮೀ ಓಟ ತೃತೀಯ, ಸೃಜನ್ ಶೆಟ್ಟಿ ಗುಂಡೆಸೆತ ಹಾಗೂ ಡಿಸ್ಕಸ್ ಪ್ರಥಮ, ಆರನೇ ತರಗತಿಯ ಆಯುಶ್ರೀ ಎತ್ತರ ಜಿಗಿತ ಪ್ರಥಮ, ಹರ್ಡಲ್ಸ್ ತೃತೀಯ, ಹುಡುಗರ ರಿಲೇ ತಂಡ ಪ್ರಥಮ, ಹುಡುಗಿಯರ ರಿಲೇ ತಂಡ ತೃತೀಯ ಸ್ಥಾನ ಪಡೆಯುವುದರ ಮೂಲಕ ಸಮಗ್ರ ಚಾಂಪಿಯನ್ ಆಗಿ ಹೊರ ಹೊಮ್ಮಿತು.

  ಬಾಲಕರ ಅತ್ಯುತ್ತಮ ಪ್ರದರ್ಶನದೊಂದಿಗೆ ಬಾಲಕರ ವಿಭಾಗದಲ್ಲಿಯೂ ಚಾಂಪಿಯನ್ ಪ್ರಶಸ್ತಿ ಪಡೆಯಿತು.