ಉದ್ದ ಕರ್ಲಿ ಹೇರ್‌ನಲ್ಲಿ ಕಾಣಿಸಿಕೊಂಡ ರಿಷಭ್ ಪಂತ್-ಅಭಿಮಾನಿಗಳು ಫಿದಾ

•   Fri, Oct 21 2022 10:53:42 AM



• ನವದೆಹಲಿ, ಅ 21 (DaijiworldNews/DB): ಟಿ20 ವಿಶ್ವಕಪ್ ಹಿನ್ನಲೆಯಲ್ಲಿ ಆಸ್ಟ್ರೇಲಿಯಾದಲ್ಲಿರುವ ರಿಷಭ್ ಪಂತ್ ಅಲ್ಲಿಂದಲೇ ಇನ್‌ಸ್ಟಾಗ್ರಾಂ ಪೋಸ್ಟ್‌ವೊಂದನ್ನು ಮಾಡಿದ್ದು, ಹೊಸ ಲುಕ್‌ನಲ್ಲಿ ಕಾಣಿಸಿಕೊಂಡಿದ್ದಾರೆ. ರಿಷಭ್ ಹೊಸ ಅವತಾರಕ್ಕೆ ಫ್ಯಾನ್ಸ್‌ ಫಿದಾ ಆಗಿದ್ದಾರೆ.

  ಟೀಂ ಇಂಡಿಯಾ ವಿಕೆಟ್ ಕೀಪರ್, ಬ್ಯಾಟರ್ ರಿಷಭ್ ಪಂತ್‌ ಮೆಲ್ಬರ್ನ್‌ನಲ್ಲಿ ಭಾರತ ತಂಡದೊಂದಿಗೆ ಅಭ್ಯಾಸದಲ್ಲಿ ತೊಡಗಿದ್ದು, ಶುಕ್ರವಾರದಿಂದ ಅಭ್ಯಾಸ ಆರಂಭಗೊಳ್ಳಲಿದೆ. ಈ ನಡುವೆ ರಿಷಭ್ ಬಿಭಿನ್ನ ಲುಕ್‌ನಲ್ಲಿ ಕಾಣಿಸಿಕೊಂಡಿರುವ ವೀಡಿಯೋವೊಂದನ್ನು ತಮ್ಮ ಇನ್‌ಸ್ಟಾಗ್ರಾಂ ಖಾತೆಯಲ್ಲಿ ಶೇರ್ ಮಾಡಿಕೊಂಡಿದ್ದಾರೆ. ಈ ವೀಡಿಯೋದಲ್ಲಿ ಕುರ್ತಾ ಧರಿಸಿ, ಉದ್ದವಾದ ಕರ್ಲಿ ಬಿಳಿ ಕೂದಲನ್ನು ರಿಷಭ್ ಹೊಂದಿದ್ದಾರೆ. ಹೊಸ ಲುಕ್‌ನಲ್ಲಿ ರಿಷಭ್ ನೋಡಿದ ಕೆಲವು ಅಭಿಮಾನಿಗಳು ಆಶ್ಚರ್ಯಗೊಂಡರೆ, ಇನ್ನು ಕೆಲವರು ಹೊಸ ಅವತಾರಕ್ಕೆ ಫಿದಾ ಆಗಿದ್ದಾರೆ. ಈ ವೀಡಿಯೋದಲ್ಲಿ ವಯಸ್ಸಾದ ವ್ಯಕ್ತಿಯಂತೆ ಕಾಣುತ್ತಿರುವ ರಿಷಭ್ ನೋಡಿ ಹಲವರು ಇದೇನಪ್ಪಾ ರಿಷಭ್‌ಗೆ ಇಷ್ಟು ಬೇಗ ವಯಸ್ಸಾಯ್ತಾ ಅಂದುಕೊಳ್ಳುತ್ತಿದ್ದಾರೆ.

  ಇನ್ನು ಈ ಪೋಸ್ಟ್‌ನಲ್ಲಿ ತಮ್ಮ ಹೊಸ ಲುಕ್ ಬಗ್ಗೆ ಜನರ ಅಭಿಪ್ರಾಯವನ್ನೂ ಕೇಳಿದ್ದಾರೆ. ತಾನು ಈ ಲುಕ್‌ನಲ್ಲಿ ಹೇಗೆ ಕಾಣಿಸುತ್ತಿದ್ದೇನೆ ಎಂದು ಅಭಿಮಾನಿಗಳನ್ನೇ ಪಂತ್ ಪ್ರಶ್ನಿಸಿದ್ದಾರೆ. ಇದರೊಂದಿಗೆ ಮೂರು ಆಯ್ಕೆಗಳನ್ನೂ ನೀಡಿದ್ದು, ಸಂಗೀತಗಾರ, ಶಾಲಾ ಪ್ರಾಂಶುಪಾಲ ಮತ್ತು ಪ್ರೊಫೆಸರ್‌ ಈ ಮೂರರಲ್ಲಿ ನಿಮ್ಮ ಆಯ್ಕೆ ಯಾವುದು ಎಂದು ಕೇಳಿದ್ದಾರೆ. ಅಭಿಮಾನಿಗಳೂ ಹೊಸ ಲುಕ್‌ನಲ್ಲಿ ಮೂರು ಆಯ್ಕೆಗಳ ಪೈಕಿ ಯಾವುದು ಪಂತ್‌ಗೆ ಹೋಲಿಕೆಯಾಗುತ್ತಿದೆ ಎಂಬುದನ್ನು ಅಳೆದು ತೂಗಿ ಉತ್ತರಿಸುತ್ತಿದ್ದಾರೆ.