ಯುಎಸ್ ಓಪನ್‌-ಎರಡನೇ ಸುತ್ತಿನಲ್ಲಿ ಸೆರೆನಾ ವಿಲಿಯಮ್ಸ್‌ಗೆ ಭರ್ಜರಿ ಗೆಲುವು

•   Thu, Sep 01 2022 01:39:04 PM



• ನವದೆಹಲಿ, ಸೆ 01 (DaijiworldNews/DB): ಯುಎಸ್ ಓಪನ್‌ ಮಹಿಳೆಯರ ಸಿಂಗಲ್ಸ್ ವಿಭಾಗದಲ್ಲಿ ಎರಡನೇ ಸುತ್ತಿನಲ್ಲಿ ಸೆರೆನಾ ವಿಲಿಯಮ್ಸ್ ಭರ್ಜರಿ ಗೆಲುವು ಸಾಧಿಸಿದ್ದಾರೆ.

  ಇಸ್ಟೋನಿಯಾದ ಆಟಗಾರ್ತಿ ಅನೆಟ್ ಕೊಂಟಾವಿಟ್ ವಿರುದ್ಧ 7-6(4), 2-6, 6-2 ಅಂತರದಿಂದ ಸೆರೆನಾ ವಿಲಿಯಮ್ಸ್ ಗೆದ್ದು ಬೀಗಿದ್ದಾರೆ. ಆಸ್ಟ್ರೇಲಿಯಾದ ಆಟಗಾರ್ತಿ ಅಜ್ಲಾ ಟೊಮ್ಲಜಾನೋವಿಕ್ ವಿರುದ್ಧ ಮೂರನೇ ಸುತ್ತಿನ ಪಂದ್ಯಕ್ಕೆ ಸೆರೆನಾ ತಯಾರಾಗುತ್ತಿದ್ದಾರೆ.

  ಟೈಗರ್ ವುಡ್ಸ್ ಮತ್ತು ಸಹೋದರಿ ವೀನಸ್ ವಿಲಿಯಮ್ಸ್ ಸೇರಿದಂತೆ 29,959 ಮಂದಿ ಅಭಿಮಾನಿಗಳು ಪ್ರೇಕ್ಷಕರ ಗ್ಯಾಲರಿಯಲ್ಲಿ ಕುಳಿತು ಸೆರೆನಾಗೆ ಹುರಿದುಂಬಿಸಿದರು. ಇಷ್ಟು ದೊಡ್ಡ ಅಭಿಮಾನಿಗಳ ನಡುವೆ ಈ ಸ್ಪರ್ಧೆಯನ್ನು ಜಯಿಸುವಲ್ಲಿ ಸೆರೆನಾ ಯಶಸ್ವಿಯಾಗಿದ್ದರು. ಮೊದಲ ಸುತ್ತಿನ ಪಂದ್ಯ ತೀವ್ರ ಪೈಪೋಟಿಯಿಂದ ಕೂಡಿತ್ತು. ಆದರೆ ಟೈ ಬ್ರೇಕರ್‌ನಲ್ಲಿ ಪಂದ್ಯದ ವಿಜೇತೆಯಾಗಿ ಸೆರೆನಾ ಹೊರ ಹೊಮ್ಮಿದರು. ಎರಡನೇ ಸುತ್ತಿನ ಪಂದ್ಯ ಸಾಕಷ್ಟು ಕುತೂಹಲ ಕೆರಳಿಸಿತ್ತು. ಕೊನೆಗೂ ಪೈಪೋಟಿಯ ಸೆಣಸಾಟದಲ್ಲಿ 23 ಬಾರಿಯ ಗ್ರ್ಯಾಂಡ್‌ಸ್ಲ್ಯಾಮ್ ವಿಜೇತೆ ಸೆರೆನಾ ಗೆದ್ದು ಬೀಗಿದರು.