ಮಾಡೆಲ್‌ನ 'ಮಧ್ಯರಾತ್ರಿ' ಪೋಸ್ಟ್‌ಗೆ ಲೈಕ್ ಒತ್ತಿ ಟ್ರೋಲ್ ಆದ ಪರಾಗ್‌

•   Wed, Aug 24 2022 12:07:52 PM



• ಮುಂಬೈ, ಆ 24 (DaijiworldNews/DB): ಮಾಡೆಲ್‌ವೊಬ್ಬಳು ಟ್ವಿಟರ್‌ನಲ್ಲಿ ಮಧ್ಯರಾತ್ರಿ ಹಾಕಿದ ತನ್ನ ಲೈಂಗಿಕ ಭಾವನೆ ವ್ಯಕ್ತಪಡಿಸಿದ ಪೋಸ್ಟ್‌ಗೆ ಲೈಕ್‌ ಒತ್ತುವ ಮೂಲಕ ರಾಜಸ್ಥಾನ್ ರಾಯಲ್ಸ್‌ನ ಆಲ್‌ರೌಂಡರ್ ರಿಯಾನ್ ಪರಾಗ್ ಸಿಕ್ಕಾಪಟ್ಟೆ ಟ್ರೋಲ್ ಆಗಿದ್ದಾರೆ, ನೆಟ್ಟಿಗರು ಪರಾಗ್‌ ಮನಸ್ಥಿತಿಯನ್ನು ಹಿಗ್ಗಾಮುಗ್ಗ ತರಾಟೆಗೆ ತೆಗೆದುಕೊಂಡಿದ್ದಾರೆ.

  ವಿವಾದಗಳಿಂದಲೇ ಸುದ್ದಿಯಾಗುತ್ತಿರುವ 20 ವರ್ಷದ ಯುವ ಆಟಗಾರ ಪರಾಗ್ ಕಳೆದ ಐಪಿಎಲ್ ಪಂದ್ಯದ ವೇಳೆ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದ ವೇಗದ ಬೌಲರ್ ಹರ್ಷಲ್ ಪಟೇಲ್‌ ಜೊತೆಗ ವಾಗ್ವಾದ ಮಾಡಿ ಸುದ್ದಿಯಾಗಿದ್ದರು. ಅಲ್ಲದೆ ಐಪಿಎಲ್ ವೇಳೆ ತಮ್ಮ ಆಟಿಟ್ಯೂಡ್‌ನಿಂದ ಹೆಚ್ಚು ಚರ್ಚೆಗೊಳಗಾಗಿದ್ದರು. ಇದೀಗ ಮಾಡೆಲ್‌ವೊಬ್ಬರ ಪೋಸ್ಟ್‌ಗೆ ಲೈಕ್ ಒತ್ತಿದ್ದಕ್ಕಾಗಿ ಟ್ರೋಲ್ ಆಗಿದ್ದಾರೆ.

  ಜಾನ್ವಿ ಶರ್ಮಾ ಎಂಬ ಮಾಡೆಲ್‌ವೊಬ್ಬರು ಮಧ್ಯರಾತ್ರಿ ಟ್ವಿಟರ್‌ನಲ್ಲಿ ಪೋಸ್ಟ್‌ ಮಾಡಿ ತಮ್ಮ ಲೈಂಗಿಕ ಭಾವನೆಯನ್ನು ವ್ಯಕ್ತಪಡಿಸಿದ್ದರು. ಈ ಪೋಸ್ಟ್‌ಗೆ ರಿಯಾನ್ ಪರಾಗ್ ಲೈಕ್ ಒತ್ತಿದ್ದಾರೆ. ಮಾಡೆಲ್‌ ಪೋಸ್ಟ್‌ಗೆ ಪರಾಗ್ ಲೈಕ್ ಒತ್ತಿರುವುದನ್ನು ಗಮನಿಸಿದ ಅಭಿಮಾನಿಗಳು, ಸೋಶಿಯಲ್ ಮೀಡಿಯಾ ಬಳಕೆದಾರರು ಇದರ ಸ್ಕ್ರೀನ್‌ಶಾಟ್ ತೆಗೆದುಕೊಂಡು ವೈರಲ್ ಮಾಡಿದ್ದಲ್ಲದೆ, ಪರಾಗ್‌ರನ್ನು ಸಿಕ್ಕಾಪಟ್ಟೆ ಟ್ರೋಲ್ ಮಾಡಿದ್ದಾರೆ. ಅಲ್ಲದೆ ಪರಾಗ್ ಮನಸ್ಥಿತಿ ಹೀಗಿದೆ ಎಂದು ಜಾಡಿಸಿದ್ದಾರೆ. ಮಧ್ಯರಾತ್ರಿ ಮಾಡಿದ ಸಣ್ಣ ಎಡವಟ್ಟಿನಿಂದ ಪರಾಗ್‌ಗೆ ಮುಖಭಂಗವಾದಂತಾಗಿದೆ.