'ಭಾರತೀಯನಾಗಿರುವುದೇ ನನ್ನ ಅದೃಷ್ಟ'-ತಿರಂಗಾ ಡಿಪಿ ಹಾಕಿದ ಧೋನಿ

•   Sat, Aug 13 2022 03:06:31 PM



• ಜಾರ್ಖಂಡ್, ಆ 13 (DaijiworldNews/DB): ಸ್ವಾತಂತ್ರ್ಯ ದಿನದ ಅಮೃತ ಮಹೋತ್ಸವ ಹಿನ್ನೆಲೆಯಲ್ಲಿ ಪ್ರಧಾನಿ ನರೇಂದ್ರ ಮೋದಿಯವರ ಕರೆಯಂತೆ ದೇಶದ ಜನರು ಸಾಮಾಜಿಕ ಜಾಲತಾಣಗಳಲ್ಲಿ ತಮ್ಮ ಡಿಪಿ ಬದಲಾಯಿಸುತ್ತಿದ್ದಾರೆ. ವಿಶೇಷವೆಂದರೆ ಕಳೆದೆರಡು ವರ್ಷಗಳಿಂದ ಡಿಪಿ ಬದಲಾಯಿಸದ ಕ್ರಿಕೆಟಿಗ ಮಹೇಂದ್ರ ಸಿಂಗ್ ಧೋನಿ ತಿರಂಗಾವನ್ನು ಡಿಪಿಯನ್ನಾಗಿಸಿ ಭಾರತೀಯನಾಗಿರುವುದೇ ನನ್ನ ಅದೃಷ್ಟ ಎಂದು ಬರೆದುಕೊಂಡಿದ್ದಾರೆ.

  ಬಲಿಷ್ಠ ಬ್ಯಾಟಿಂಗ್‌ಗೆ ಹೆಸರುವಾಸಿಯಾಗಿರುವ ಭಾರತ ತಂಡದ ನಾಯಕರಾಗಿ ಕ್ರಿಕೆಟ್‌ ತಂಡವನ್ನು ಮುನ್ನಡೆಸಿದವರು. ಧೋನಿ ಸಾಮಾಜಿಕ ಜಾಲತಾಣದಲ್ಲಿ ಅಷ್ಟೊಂದು ಸಕ್ರಿಯವಾಗಿಲ್ಲ. ಇನ್‌ಸ್ಟಾಗ್ರಾಂನಲ್ಲಿಯೂ ಕಳೆದೆರಡು ವರ್ಷಗಳಿಂದ ಡಿಪಿಯನ್ನೇ ಬದಲಾಯಿಸದ ಧೋನಿ ಇದೇ ಮೊದಲ ಬಾರಿಗೆ ರಾಷ್ಟ್ರಧ್ವಜವನ್ನು ಡಿಪಿಯಾಗಿ ಬದಲಾಯಿಸಿಕೊಂಡಿದ್ದಾರೆ.

  ಡಿಪಿ ಬದಲಾಯಿಸಿಕೊಂಡಿರುವ ಧೋನಿ ಅದರ ಮೇಲೆ ’ನಾನೊಬ್ಬ ಭಾರತೀಯ ಆಗಿರುವುದೇ ನನ್ನ ಅದೃಷ್ಟ ಎಂದು ಬರೆದುಕೊಂಡಿದ್ದಾರೆ. 39 ಮಿಲಿಯನ್‌ಗಿಂತಲೂ ಹೆಚ್ಚು ಇನ್‌ಸ್ಟಾಗ್ರಾಂ ಫಾಲೋವರ್‍ಸ್‌ಗಳನ್ನು ಹೊಂದಿರುವ ಧೋನಿಯವರು ಬರೆದ ಸಾಲುಗಳಿಗೆ ಅಭಿಮಾನಿಗಳು ಫಿದಾ ಆಗಿದ್ದಾರೆ. ಧೋನಿ 2020ರ ಆಗಸ್ಟ್ 15ರಂದು ಕ್ರಿಕೆಟ್‌ಗೆ ನಿವೃತ್ತಿ ಘೋಷಿಸಿದ್ದು, ಈ ಆಗಸ್ಟ್‌ 15ರಂದು ಎರಡು ವರ್ಷವಾಗುತ್ತದೆ.