ಕಾಮನ್‌ವೆಲ್ತ್‌ ಗೇಮ್ಸ್‌-ಬಾಕ್ಸರ್ ಸಾಗರ್ ಅಹ್ಲಾವತ್‌ಗೆ ಬೆಳ್ಳಿ ಪದಕ

•   Mon, Aug 08 2022 11:15:04 AM



• ಬರ್ಮಿಂಗ್‌ಹ್ಯಾಮ್‌, ಆ 08 (DaijiworldNews/DB): ಕಾಮನ್‌ವೆಲ್ತ್‌ ಗೇಮ್ಸ್‌ನಲ್ಲಿ ಭಾರತದ ಪದಕ ಭೇಟೆ ಮುಂದುವರಿದಿದ್ದು, ಬಾಕ್ಸರ್‍ ಸಾಗರ್‍ ಅಹ್ಲಾವತ್ ಬೆಳ್ಳಿ ಪದಕಕ್ಕೆ ಕೊರೊಳೊಡ್ಡಿದ್ದಾರೆ.

  ಪುರುಷರ 92 ಕೆಜಿ ಫೈನಲ್ ವಿಭಾಗದಲ್ಲಿ ಸಾಗರ್‍ ಬೆಳ್ಳಿ ಪದಕ ಜಯಿಸಿದ್ದರು. ಇಂಗ್ಲೆಂಡ್​ನ ಡೆಲೀಶಿಯಸ್ ಓರಿಯೊ ಚಿನ್ನ ಜಯಿಸಿದರು. ಓರಿಯೋ ವಿರುದ್ಧ ಸಾಗರ್‍ 0-5 ಅಂತರದಿಂದ ಸೋಲು ಕಂಡರು.

  ಸದ್ಯ ಕಾಮನ್‌ವೆಲ್ತ್ ಕ್ರೀಡಾಕೂಟದಲ್ಲಿ ಭಾರತಕ್ಕೆ ಸಿಕ್ಕಿರುವ ಪದಕಗಳ ಸಂಖ್ಯೆ ಅರ್ಧಶತಕದ ಗಡಿ ದಾಟಿದೆ. 18 ಚಿನ್ನ, 15 ಬೆಳ್ಳಿ ಮತ್ತು 22 ಕಂಚು ಗೆಲ್ಲುವ ಮೂಲಕ ಭಾರತದ ಅತ್ಲೀಟ್‌ಗಳು ಒಟ್ಟು 55 ಪದಕಗಳನ್ನು ದೇಶಕ್ಕೆ ತಂದು ಕೊಟ್ಟಿದ್ದಾರೆ.