ಮುಂಬೈ: ಹೈದ್ರಾಬಾದ್ ವಿರುದ್ಧ ಆರ್ ಸಿಬಿ ತಂಡಕ್ಕೆ 67 ರನ್ ಗಳ ಗೆಲುವು

•   Sun, May 08 2022 09:29:46 PM



• ಮುಂಬೈ, ಮೇ 08 (DaijiworldNews/SM)​: ಇಲ್ಲಿನ ವಾಂಖೆಡೆ ಮೈದಾನದಲ್ಲಿ ನಡೆದ ಪಂದ್ಯದಲ್ಲಿ ಆರ್ ಸಿಬಿ ತಂಡ ಸನ್ ರೈಸರ್ ಹೈದ್ರಾಬಾದ್ ವಿರುದ್ಧ 67 ರನ್ ಗಳ ಗೆಲುವು ದಾಖಲಿಸಿದೆ.

  ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ನಡೆಸಿದ ಆರ್ ಸಿಬಿ ಇಪ್ಪತ್ತು ಓವರ್ ಗಳಲ್ಲಿ ಮೂರು ವಿಕೆಟ್ ಗಳ ನಷ್ಟಕ್ಕೆ 192 ರನ್ ಗಳಿಸಿತು. ಡ್ಯುಪ್ಲೆಸಿಸ್ 73, ರಜತ್ 48, ಮ್ಯಾಕ್ಸ್ ವೆಲ್ 33, ದಿನೇಶ್ ಕಾರ್ತಿಕ್ 30 ರನ್ ಗಳಿಸಿದರು.

  ಇದಕ್ಕೆ ಉತ್ತರವಾಗಿ ಸನ್ ರೈಸರ್ ಹೈದ್ರಾಬಾದ್ ತಂಡ 19.2 ಓವರ್ ಗಳಲ್ಲಿ 125 ರನ್ ಗಳಿಗೆ ಸರ್ವ ಪತನಗೊಂಡಿತು. ಹೈದ್ರಾಬಾದ್ ಪರ ರಾಹುಲ್ ತ್ರಿಪಾಠಿ 58, ಮಾರ್ಕ್ರಮ್ 21, ಪೂರನ್ 19 ರನ್ ಗಳಿಸಿದರು. ಉಳಿದ ಯಾವೊಬ್ಬನೂ ಎರಡಂಕಿ ದಾಟಲಿಲ್ಲ. ಆರ್ ಸಿಬಿ ಪರ ಹಸರಂಗ 5, ಹಝೆಲ್ ವುಡ್ 2 ವಿಕೆಟ್ ಪಡೆದರು.