ರೋಚಕ ಪಂದ್ಯದಲ್ಲಿ ಪಂಜಾಬ್ ವಿರುದ್ಧ ಗುಜರಾತ್ ಗೆ 6 ವಿಕೆಟ್ ಗಳ ಗೆಲುವು

•   Fri, Apr 08 2022 09:47:30 PM



• ಮುಂಬೈ, ಏ 08 (DaijiworldNews/SM): ಇಲ್ಲಿ ನಡೆಯುತ್ತಿರುವ ಐಪಿಎಲ್ ಟಿ-20 ಪಂದ್ಯದಲ್ಲಿ ಪಂಜಾಬ್ ತಂಡದ ವಿರುದ್ಧ ರೋಚಕ ಘಟ್ಟದಲ್ಲಿ ಗುಜರಾತ್ ತಂಡ ಚಮತ್ಕಾರದಿಂದಾಗಿ ಆರು ವಿಕೆಟ್ ಗಳ ಗೆಲುವು ದಾಖಲಿಸಿಕೊಂಡಿದೆ.

  ಟಾಸ್ ಸೋತು ಮೊದಲು ಬ್ಯಾಟಿಂಗ್ ನಡೆಸಿದ ಪಂಜಾಬ್ ಇಪ್ಪತ್ತು ಓವರ್ ಗಳಲ್ಲಿ ಒಂಬತ್ತು ವಿಕೆಟ್ ನಷ್ಟಕ್ಕೆ 189 ರನ್ ಗಳಿಸಿತು. ಪಂಜಾಬ್ ಪರ ಧವನ್ 35, ಲಿವಿಂಗ್ಸ್ ಟನ್ 64, ಜಿತೇಶ್ ಶರ್ಮಾ 23, ರಾಹುಲ್ ಚಾಹರ್ 22 ರನ್ ಸಿಡಿಸಿದರು. ಆ ಮೂಲಕ ಗುಜರಾತ್ ತಂಡಕ್ಕೆ ಗೆಲ್ಲಲು ಪಂಜಾಬ್ ಕಿಂಗ್ಸ್ ತಂಡ 190 ರನ್ ಗಳ ಗುರಿ ನೀಡಿತು.

  ಬೌಲಿಂಗ್ ವಿಭಾಗದಲ್ಲಿ ಗುಜರಾತ್ ತಂಡದ ರಶೀದ್ ಖಾನ್ 3, ದರ್ಶನ್ 2 ವಿಕೆಟ್ ಪಡೆದರು.

  ಇನ್ನು ಗುರಿ ಬೆನ್ನಟ್ಟಿದ ಗುಜರಾತ್ ಇಪ್ಪತ್ತು ಓವರ್ ಗಳಲ್ಲಿ ನಾಲ್ಕು ವಿಕೆಟ್ ನಷ್ಟಕ್ಕೆ 190 ರನ್ ಸಿಡಿಸಿ ಗೆಲುವಿನ ನಗೆ ಚೆಲ್ಲಿತು. ಗುಜರಾತ್ ಪರ ಗಿಲ್ 96, ಸಾಯಿ ಸುದರ್ಶನ್ 35, ಹಾರ್ದಿಕ್ ಪಾಂಡ್ಯ 27 ರನ್ ಸಿಡಿಸಿದರು.