ಪುಣೆ: ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧ ಗುಜರಾತ್ ಟೈಟನ್ಸ್ ತಂಡಕ್ಕೆ 14 ರನ್ ಅಂತರದ ಗೆಲುವು

•   Sat, Apr 02 2022 11:13:23 PM



• ಪುಣೆ, ಏ. 02 (DaijiworldNews/SM): ಇಲ್ಲಿನ ಮಹಾರಾಷ್ಟ್ರ ಕ್ರಿಕೆಟ್ ಅಸೋಶಿಯೇಷನ್ ಕ್ರಿಕೆಟ್ ಮೈದಾನದಲ್ಲಿ ನಡೆದ ಐಪಿಎಲ್ ಪಂದ್ಯದಲ್ಲಿ ಗುಜರಾತ್  ಟೈಟನ್ಸ್ ತಂಡ ಹದಿನಾಲ್ಕು ರನ್ ಗಳಿಂದ ಡೆಲ್ಲಿ ತಂಡವನ್ನು ಮಣಿಸಿದೆ.

  ಮೊದಲು ಬ್ಯಾಟಿಂಗ್ ನಡೆಸಿದ ಗುಜರಾತ್ ನಿಗದಿತ ಇಪ್ಪತ್ತು ಓವರ್ ಗಳಲ್ಲಿ ಆರು ವಿಕೆಟ್ ಗಳ ನಷ್ಟಕ್ಕೆ 171 ರನ್ ಗಳಿಸಿದೆ. ಗುಜರಾತ್ ಪರ ಶುಬ್ ಮನ್ ಗಿಲ್ 84, ಹಾರ್ದಿಕ್ ಪಾಂಡ್ಯ 31, ಮಿಲ್ಲರ್ 20 ರನ್ ಸಿಡಿಸಿದರು. ಮತ್ತೊಂದೆಡೆ ಡೆಲ್ಲಿ ಪರ ಮುಸ್ತಫಿಝೋರ್ 3, ಕಲೀಲ್ ಅಹಮ್ಮದ್ 2 ವಿಕೆಟ್ ಗಳನ್ನು ಪಡೆದರು.

  ಗುಜರಾತ್ ನೀಡಿದ ಗುರಿ ಬೆನ್ನಟ್ಟಿದ ಡೆಲ್ಲಿ ತಂಡಕ್ಕೆ ಆರಂಭದಲ್ಲಿ ಉತ್ತಮ ಪ್ರದರ್ಶನ ನೀಡಲು ಸಾಧ್ಯವಾಗಲಿಲ್ಲ. ಬಳಿಕ ಮಧ್ಯಮ ಕ್ರಮಾಂಕದಲ್ಲಿ ತಂಡ ಅಲ್ಪ ಚೇತರಿಕೆ ಕಂಡಿತು. ರ್‍ಇಷಬ್ ಪಂತ್ 43, ಲಲಿತ್ ಯಾದವ್ 25 ರನ್ ಸಿಡಿಸಿದರು.