ಮುಂಬೈ: ಮತ್ತೊಮ್ಮೆ ಮುಗ್ಗರಿಸಿದ ಜಡೇಜಾ ಬಳಗ-ಬೃಹತ್ ಮೊತ್ತ ಬೆನ್ನಟ್ಟಿದ ಲಕ್ನೋ

•   Fri, Apr 01 2022 01:20:38 AM



• ಮುಂಬೈ, ಏ. 01 (DaijiworldNews/SM): ಇಲ್ಲಿ ನಡೆದ ಐಪಿಎಲ್ ಟಿ-20 ಪಂದ್ಯದಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ವಿರುದ್ಧ ಲಕ್ನೋ ತಂಡ ಗೆದ್ದು ಬೀಗಿದೆ.

  ಮೊದಲು ಬ್ಯಾಟಿಂಗ್ ನಡೆಸಿದ ಜಡೆಜಾ ಬಳಗ ಉತ್ತಮ ಆರಂಭದೊಂದ್ದಿಗೆ ಬೃಹತ್ ಮೊತ್ತ ಪೇರಿಸಿತು. ಚೆನ್ನೈ ಪರ ಉತ್ತಪ್ಪ 50, ದುಬೆ 49, ಮೋಯಿನ್ ಅಲಿ 35 ರನ್ ಸಿಡಿಸಿದರು. ಅಂತಿಮವಾಗಿ ಏಳು ವಿಕೆಟ್ ನಷ್ಟಕ್ಕೆ ಚೆನ್ನೈ 210 ರನ್ ಪೇರಿಸಿತು.

  ಇದಕ್ಕೆ ಉತ್ತರವಾಗಿ ಲಕ್ನೋ ತಂಡ ಉತ್ತಮ ಆರಂಭದೊಂದಿಗೆ ಚೆನ್ನೈ ದಾಳಿಯನ್ನು ಎದುರಿಸಿತು. ನಾಯಕ ಕೆ.ಎಲ್. ರಾಹುಲ್ 40, ಡಿ ಕಾಕ್ 61, ಲೆವಿಸ್ 55 ರನ್ ಸಿಡಿಸಿದರು. ಅಂತಿಮವಾಗಿ 19.3 ಓವರ್ ಗಳಲ್ಲಿ ನಾಲ್ಕು ವಿಕೆಟ್ ನಷ್ಟಕ್ಕೆ 211 ರನ್ ಗಳಿಸಿ ಗೆಲುವಿನ ನಗೆ ಚೆಲ್ಲಿತು.