ಮುಂಬೈ: ಐಪಿಎಲ್-2022: ಕೆಕೆಆರ್ ವಿರುದ್ಧ ಆರ್ ಸಿಬಿ ಗೆ ರೋಚಕ ಗೆಲುವು

•   Wed, Mar 30 2022 11:10:28 PM



• ಮುಂಬೈ,ಮಾ. 30 (DaijiworldNews/SM): ಡಿ.ವೈ ಪಾಟೀಲ್ ಮೈದಾನದಲ್ಲಿ ನಡೆದ ಪಂದ್ಯದಲ್ಲಿ ಆರ್ ಸಿಬಿ ಗೆಲುವು ದಾಖಲಿಸಿದೆ.

   

  ಆರ್‌ಸಿಬಿ ಹಾಗೂ ಕೆಕೆಆರ್ ನಡುವಿನ ಪಂದ್ಯದಲ್ಲಿ ಕೊಲ್ಕತ್ತ ನೈಟ್ ರೈಡರ್ಸ್‌ ಆರ್‌ಸಿಬಿ ದಾಳಿಗೆ ತತ್ತರಿಸಿದ್ದು 128 ರನ್‌ ಗಳನ್ನಷ್ಟೇ ದಾಖಲಿಸಿದೆ.

  ಶ್ರೀಲಂಕಾ ಮೂಲದ ಸ್ಪಿನ್ನರ್ ವಹಿಂದು ಹಸರಂಗ, ಹರ್ಷಲ್ ಪಟೇಲ್ ಹಾಗೂ ಆಕಾಶ್ ದೀಪ್ ದಾಳಿಗೆ ಪರದಾಡುವಂತಾಯಿತು. ಕೆಕೆಆರ್ ಪರ ವೆಂಕಟೇಶ್ ಅಯ್ಯರ್ 10, ಶ್ರೇಯಸ್ ಐಯ್ಯರ್ 13, ನರೈನ್ 12, ಬಿಲ್ಲಿಂಗ್ಸ್ 14 ರನ್ ಗಳಿಸಿದರು. ರಸಲ್ 25, ಉಮೇಶ್ ಯಾದವ್ 18 ರನ್ ಗಳಿಸಿದರು. ಅಂತಿಮವಾಗಿ ಕೆಕೆಆರ್ ತಂಡ 18.5 ಓವರ್ ಗಳಲ್ಲಿ 128 ರನ್ ಗಳಿಸಿ ಸರ್ವ ಪತನಗೊಂಡಿತು.

  ಹಸರಂಗ 4, ಆಕಾಶ್ ದೀಪ್ 3, ಹರ್ಷಲ್ ಪಾಟೇಲ್ ಎರಡು ವಿಕೆಟ್ ಪಡೆದರು.

  ಈ ನಡುವೆ ಕೆಕೆಆರ್ ನೀಡಿದ ಸಾಧಾರಣ ಮೊತ್ತದ ಗುರಿ ಬೆನ್ನಟ್ಟಿದ ಆರ್ ಸಿಬಿ ತಂಡ ಕೂಡ ರನ್ ಗಳಿಸಲು ಪರದಾಡಿತು. ಶೆರ್ಫಾನ್ ರೂತರ್ ಫೋರ್ಡ್ 28, ಶಬ್ಬಜ್ 27 ರನ್ ಗಳಿಸಿದರು.