ನವದೆಹಲಿ: ಐಪಿಎಲ್ ವೇಳೆ ಹರಾಜಾಗದೇ ಉಳಿದ ರೈನಾಗೆ 'ಸ್ಪೋರ್ಟ್ಸ್ ಐಕಾನ್' ಅವಾರ್ಡ್

•   Sun, Mar 20 2022 10:29:49 PM



• ನವದೆಹಲಿ, ಮಾ. 20 (DaijiworldNews/SM): ಸುರೇಶ್ ರೈನಾ ಐಪಿಎಲ್ ಹರಾಜಿನ ಸಂದರ್ಭದಲ್ಲಿ ಯಾರಿಗೂ ಬೇಡವಾಗಿದ್ದರೂ ಕೂಡ ಅವರಿಗೆ ಇದೀಗ ಅವಾರ್ಡೊಂದು ಹುಡುಕಿಕೊಂಡು ಬಂದಿದೆ.

  ಮಾಲ್ಡೀವ್ಸ್ ಸರ್ಕಾರ ನೀಡುವ 'ಸ್ಪೋರ್ಟ್ಸ್ ಐಕಾನ್' ಪ್ರಶಸ್ತಿಗೆ ರೈನಾ ಅವರನ್ನು ಆಯ್ಕೆ ಮಾಡಲು ಮುಂದಾಗಿದ್ದು, ನಾಮನಿರ್ದೇಶನಗೊಂಡಿದ್ದರು. ರೈನಾ ಅವರೊಂದಿಗೆ ವಿವಿಧ ದೇಶದ ಹಾಗೂ ವಿವಿಧ ಕ್ರೀಡೆಯ 16 ಆಟಗಾರ ಆಟಗಾರರೂ ಕೂಡ ಆಯ್ಕೆಯಾಗಿದ್ದಾರೆ.

  ರೈನಾ ಅವರ ಕ್ರಿಕೆಟ್ ವೃತ್ತಿಜೀವನದ ಸೇವೆಗಾಗಿ ಈ ಪ್ರಶಸ್ತಿಯನ್ನು ನೀಡಲಾಗಿದೆ ಎಂದು ಮಾಲ್ಡೀವ್ಸ್ ಸರ್ಕಾರ ಹೇಳಿದೆ. ಇನ್ನು ಇತ್ತೀಚಿಗೆ ಮಾಲ್ಡೀವ್ಸ್ ನ ಸಿಂಥೆಟಿಕ್ ರನ್ನಿಂಗ್ ಟ್ರ್ಯಾಕ್ ನಲ್ಲಿ ಪ್ರಶಸ್ತಿ ಪ್ರದಾನ ಸಮಾರಂಭ ನಡೆದಿತ್ತು.

  ರೈನಾ ಟಿ 20ಯಲ್ಲಿ 8,000 ರನ್ ಗಳಿಸಿದ ಮೊದಲ ಭಾರತೀಯ ಮತ್ತು ಐಪಿಎಲ್‌ನಲ್ಲಿ 5,000 ರನ್ ಗಳಿಸಿದ ಮೊದಲ ಆಟಗಾರ ಎಂಬ ಹೆಗ್ಗಳಿಕೆಗೆ ಪಾತ್ರರಾದರು.