ಪಾರ್ಲ್: ಮೊದಲ ಏಕದಿನ ಪಂದ್ಯದಲ್ಲಿ ದ. ಆಫ್ರಿಕಾ ತಂಡಕ್ಕೆ ಭಾರತ ಶರಣು

•   Wed, Jan 19 2022 10:21:47 PM



• ಪಾರ್ಲ್, ಜ. 19 (DaijiworldNews/SM): ಇಲ್ಲಿ ನಡೆದ ಆತಿಥೇಯ ದಕ್ಷಿಣ ಆಫ್ರಿಕಾ ವಿರುದ್ಧದ ಮೊದಲ ಏಕದಿನ ಪಂದ್ಯದಲ್ಲಿ ಟೀಂ ಇಂಡಿಯಾ ಮುಗ್ಗರಿಸಿದೆ. ದ. ಆಫ್ರಿಕಾ ವಿರುದ್ದ 31 ರನ್ ಗಳ ಸೋಲುಂಡಿದೆ.

  ಪಾರ್ಲ್ ನಲ್ಲಿ ನಡೆದ ಮೊದಲ ಏಕದಿನ ಪಂದ್ಯದಲ್ಲಿ ಟಾಸ್ ಗೆದ್ದ ದ. ಆಫ್ರಿಕಾ ತಂಡ ಮೊದಲು ಬ್ಯಾಟಿಂಗ್ ಆಯ್ದುಕೊಂಡಿತು. ಬಳಿಕ ನಿಗದಿತ ಓವರ್ ಗಳಲ್ಲಿ 4 ವಿಕೆಟ್ ಗಳ ನಷ್ಟಕ್ಕೆ 296 ರನ್ ಗಳಿಸಿ ಭಾರತಕ್ಕೆ 297 ರನ್ ಗಳ ಗುರಿ ನೀಡಿತು.

  ದ. ಆಫ್ರಿಕಾ ನೀಡಿದ ಗುರಿ ಬೆನ್ನಟ್ಟಿದ ಟೀಂ ಇಂಡಿಯಾ ನಿಗದಿತ ಓವರ್ ನಲ್ಲಿ 8 ವಿಕೆಟ್ ನಷ್ಟಕ್ಕೆ 265 ರನ್ ಪೇರಿಸಿದ್ದು 31 ರನ್ ಗಳಿಂದ ಸೋಲುಂಡಿತು.

  ಭಾರತ ಪರ ಬ್ಯಾಟಿಂಗ್ ನಲ್ಲಿ ಕೆಎಲ್ ರಾಹುಲ್ 12, ಶಿಖರ್ ಧವನ್ 79, ಕೊಹ್ಲಿ 51, ಶಾರ್ದೂಲ್ ಠಾಕೂರ್ 50 ರನ್ ಗಳಿಸಿದರು. ದ. ಆಫ್ರಿಕಾ ಪರ ಡಿಕಾಕ್ 27, ಬವುಮಾ 110, ದುಸೇನ್ ಅಜೇಯ 129 ರನ್ ಗಳಿಸಿದ ಪರಿಣಾಮ ಭಾರೀ ಮೊತ್ತ ಪೇರಿಸಲು ಸಾಧ್ಯವಾಯಿತು.