ಕೋಲ್ಕತ್ತಾ: ನ್ಯೂಜಿಲ್ಯಾಂಡ್ ವಿರುದ್ಧ ಸರಣಿ ಕ್ಲೀನ್ ಸ್ವೀಪ್-3ನೇ ಪಂದ್ಯದಲ್ಲಿ 73 ರನ್ ಗಳ ಗೆಲುವು

•   Sun, Nov 21 2021 10:50:55 PM



• ಕೋಲ್ಕತ್ತಾ, ನ. 21 (DaijiworldNews/SM): ಇಲ್ಲಿನ ಇಡನ್ ಗಾರ್ಡನ್ ಕ್ರಿಕೆಟ್ ಮೈದಾನದಲ್ಲಿ ನಡೆದ ಟಿ-20 ಪಂದ್ಯದಲ್ಲಿ ಪ್ರವಾಸಿ ನ್ಯೂಜಿಲ್ಯಾಂಡ್ ತಂಡ ಮತ್ತೊಮ್ಮೆ ಮುಗ್ಗರಿಸಿದ್ದು, ಟೀಂ ಇಂಡಿಯಾ 73 ರನ್ ಗಳ ಗೆಲುವು ದಾಖಲಿಸಿದೆ. ಆ ಮೂಲಕ ಮೂರು ಪಂದ್ಯಗಳ ಸರಣಿಯನ್ನು ಕ್ಲೀನ್ ಸ್ವೀಪ್ ಮಾಡುವ ಮೂಲಕ ಭಾರತ ವಶಕ್ಕೆ ಪಡೆದುಕೊಂಡಿದೆ.

  ರೋಹಿತ್ ನಾಯಕತ್ವ ಹಾಗೂ ದ್ರಾವಿಡ್ ಮುಖ್ಯ ಕೋಚ್ ಆದ ನಂತರ ಮೊದಲ ಸರಣಿ ಇದಾಗಿದ್ದು, ಸರಣಿ ಗೆದ್ದು ಸಂಭ್ರಮಿಸಿದ್ದಾರೆ.

  ಮೊದಲು ಬ್ಯಾಟ್ ಮಾಡಿದ ಟೀಂ ಇಂಡಿಯಾ ನಿಗದಿತ ಓವರ್ ನಲ್ಲಿ 7 ವಿಕೆಟ್ ನಷ್ಟಕ್ಕೆ 184 ರನ್ ಪೇರಿಸಿತು. ನಾಯಕ ರೋಹಿತ್ 56 ರನ್ ಸಿಡಿಸಿದರು. ಇದಕ್ಕೆ ಉತ್ತರವಾಗಿ ನ್ಯೂಜಿಲ್ಯಾಂಡ್ ತಂಡ 17.2 ಓವರ್ ಗಳಲ್ಲಿ 111 ರನ್ ಗಳಿಗೆ ಸರ್ವ ಪತನಗೊಂಡು ಸೋಲೊಪ್ಪಿಕೊಂಡಿತು.