ಅಬುದಾಬಿ: ಕೊಲ್ಕತ್ತ ವಿರುದ್ಧ ಮುಗ್ಗರಿಸಿದ ಆರ್ ಸಿಬಿ

•   Mon, Sep 20 2021 10:29:21 PM



• ಅಬುದಾಬಿ, ಸೆ. 20 (DaijiworldNews/SM): ಇಲ್ಲಿನ ಶೇಖ್ ಝಯ್ಯದ್ ಕ್ರಿಕೆಟ್ ಮೈದಾನದಲ್ಲಿ ನಡೆದ ಪಂದ್ಯದಲ್ಲಿ ಕೊಲ್ಕತ್ತ ತಂಡದ ವಿರುದ್ಧ ಆರ್ ಸಿಬಿ ತಂಡ ಮುಗ್ಗರಿಸಿದ್ದು, ಹೀನಾಯ ಸೋಲುಂಡಿದೆ.

  

  ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ನಡೆಸಿದ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ ಹತ್ತೊಂಬತ್ತು ಓವರ್ ಗಳಲ್ಲಿ 92 ರನ್ ಗಳಿಗೆ ಆಲೌಟ್ ಆಯಿತು. ಕೊಲ್ಕತ್ತಾ ತಂಡದ ಮಾರಕ ದಾಳಿಗೆ ಪರದಾಡಿದ ಆರ್ ಸಿ ಬಿ ಬ್ಯಾಟ್ಸ್ ಮನ್ ಗಳು ಬಂದಷ್ಟೇ ವೇಗದಲ್ಲಿ ಫೆವಿಲಿಯನ್ ನತ್ತ ಹೆಜ್ಜೆ ಹಾಕಿದರು. ದೇವದತ್ತ್ ಪಡಿಕ್ಕಲ್ 22 ರನ್ ಸಿಡಿಸಿದ್ದು ಹೊರತು ಪಡಿಸಿದರೆ ಯಾವೊಬ್ಬ ಆಟಗಾರನಿಂದಲೂ ನಿರೀಕ್ಷಿತ ಪ್ರದರ್ಶನ ಕಂಡುಬರಲಿಲ್ಲ.

  ಕೊಲ್ಕತ್ತ ಪರ ರಸೆಲ್ ಹಾಗೂ ಚಕ್ರವರ್ತಿ ತಲಾ ಮೂರು ವಿಕೆಟ್ ಪಡೆದರೆ, ಫೆರ್ಗಸನ್ ಎರಡು ವಿಕೆಟ್ ಪಡೆದರು.

  ಇನ್ನು ಆರ್ ಸಿಬಿ ನೀಡಿದ ಸುಲಭ ಗುರಿ ಬೆನ್ನಟ್ಟಿದ ಕೊಲ್ಕತ್ತಾ ತಂಡ ಹತ್ತು ಓವರ್ ಗಳಲ್ಲಿ ಒಂದು ವಿಕೆಟ್ ನಷ್ಟಕ್ಕೆ 94 ರನ್ ಸಿಡಿಸಿ ಗೆಲುವಿನ ನಗೆ ಚೆಲ್ಲಿತು. ಗಿಲ್ 48, ವೆಂಕಟೇಶ್ ಐಯ್ಯರ್ 41 ರನ್ ಗಳಿಸಿದರು.