ಅಂತರಾಷ್ಟ್ರೀಯ ಕ್ರಿಕೆಟ್‌ಗೆ ವಿದಾಯ ಘೋಷಿಸಿದ ಸ್ಟುವರ್ಟ್ ಬಿನ್ನಿ

•   Mon, Aug 30 2021 11:19:23 AM



• ಬೆಂಗಳೂರು, ಆ 30 (DaijiworldNews/PY): ಅಂತರಾಷ್ಟ್ರೀಯ ಕ್ರಿಕೆಟ್ ಹಾಗೂ ಪ್ರಥಮ ದರ್ಜೆ ಕ್ರಿಕೆಟ್‌ಗೆ ಟೀಂ ಇಂಡಿಯಾ ಕ್ರಿಕೆಟ್‌ ಆಟಗಾರ ಸ್ಟುವರ್ಟ್ ಬಿನ್ನಿ ವಿದಾಯ ಘೋಷಿಸಿದ್ದಾರೆ.

  

  "ನನ್ನ ಕ್ರಿಕೆಟ್‌ ಜೀವನದ ಪ್ರಯಾಣ ಅಭೂತಪೂರ್ವವಾಗಿತ್ತು. ಅಂತರಾಷ್ಟ್ರೀಯ ಮಟ್ಟದಲ್ಲಿ ದೇಶವನ್ನು ಪ್ರತಿನಿಧಿಸಿದ್ದಕ್ಕೆ ಹೆಮ್ಮೆ ಇದೆ. ಇದಕ್ಕೆ ನನ್ನ ಕುಟುಂಬ ಹಾಗೂ ಬಿಸಿಸಿಐ ಸೇರಿದಂತೆ ಎಲ್ಲರಿಗೂ ನಾನು ಆಭಾರಿಯಾಗಿರುತ್ತೇನೆ" ಎಂದಿದ್ದಾರೆ.

  2014ರಲ್ಲಿ ಟೀಂ ಇಂಡಿಯಾ ಪ್ರವೇಶಿಸಿದ್ದ ಬಿನ್ನಿ, 6 ಟೆಸ್ಟ್​, 14 ಏಕದಿನ ಪಂದ್ಯ ಹಾಗೂ 3 ಟಿಟ್ವೆಂಟಿ ಸರಣಿ, 150 ಐಪಿಎಲ್ ಪಂದ್ಯ ಹಾಗೂ 100ಕ್ಕೂ ಅಧಿಕ ದೇಶಿ ಕ್ರಿಕೆಟ್ ಟೂರ್ನಿಗಳನ್ನು ಆಡಿದ್ದಾರೆ. ಇವರು ಉತ್ತಮ ಆಲ್‌ರೌಂಡರ್‌ ಆಗಿದ್ದು, ಮುಂಬೈ ಇಂಡಿಯನ್ಸ್‌‌, ರಾಜಸ್ತಾನ ರಾಯಲ್ಸ್‌ ಹಾಗೂ ಆರ್‌ಸಿಬಿ ತಂಡದಲ್ಲಿ ಆಡಿದ್ದರು.

  ಸ್ಟುವರ್ಟ್ ಬಿನ್ನಿ ಅವರ ತಂದೆ ರೋಜರ್‌ ಬಿನ್ನಿ ಅವರು ಕೂಡಾ ಟೀಂ ಇಂಡಿಯಾದ ಮಾಜಿ ಆಟಗಾರರಾಗಿದ್ದರು.