ನಾಟಿಂಗ್‌ಹ್ಯಾಮ್: ಮೊದಲ ಟೆಸ್ಟ್: ಇಂಗ್ಲೆಂಡ್ ವಿರುದ್ಧ ಭಾರತಕ್ಕೆ 95ರನ್ ಮುನ್ನಡೆ-ಭಾರತ 278 ರನ್ ಗಳಿಗೆ ಆಲೌಟ್

•   Fri, Aug 06 2021 11:07:35 PM



• ನಾಟಿಂಗ್‌ಹ್ಯಾಮ್, ಆ. 06 (DaijiworldNews/SM): ಇಲ್ಲಿ ನಡೆಯುತ್ತಿರುವ ಇಂಗ್ಲೆಂಡ್ ವಿರುದ್ಧದ ಮೊದಲ ಟೆಸ್ಟ್ ಪಂದ್ಯದಲ್ಲಿ ಟೀಂ ಇಂಡಿಯಾ ಮೊದಲ ಇನ್ನಿಂಗ್ಸ್ ನಲ್ಲಿ 95 ರನ್ ಗಳ ಮುನ್ನಡೆ ಸಾಧಿಸಿದೆ. ಇನ್ನಿಂಗ್ಸ್ ಆರಂಭಿಸಿದ ಟೀಂ ಇಂಡಿಯಾ 278 ರನ್ ಗಳಿಗೆ ಆಲೌಟ್ ಆಯಿತು.

  

  ಇನ್ನು ಇದಕ್ಕೂ ಮುನ್ನ ಬ್ಯಾಟಿಂಗ್ ನಡೆಸಿದ್ದ ಇಂಗ್ಲೆಂಡ್ ತಂಡ 183 ರನ್ ಗಳಿಗೆ ಸರ್ವ ಪತನಗೊಂಡಿತ್ತು. ನಂತರ ಇನ್ನಿಂಗ್ಸ್ ಆರಂಭಿಸಿದ್ದ ಟೀಂ ಇಂಡಿಯಾ ಪರ ಕೆಎಲ್ ರಾಹುಲ್ 84 ಮತ್ತು ರವೀಂದ್ರ ಜಡೇಜಾ 56 ರನ್ ಬಾರಿಸಿದರು. ಉಳಿದಂತೆ ರೋಹಿತ್ ಶರ್ಮಾ 36, ರಿಷಬ್ ಪಂತ್ 25, ಜಸ್ ಪ್ರೀತ್ ಬುಮ್ರಾ 28 ರನ್ ಗಳಿಸಿ ತಂಡದ ಮೊತ್ತ ಹೆಚ್ಚಳಕ್ಕೆ ಕಾರಣರಾದರು.

  ಇಂಗ್ಲೆಂಡ್ ಪರ ಬೌಲಿಂಗ್ ನಲ್ಲಿ ಒಲ್ಲಿ ರಾಬಿನ್ಸನ್ 5 ಮತ್ತು ಜೇಮ್ಸ್ ಆ್ಯಂಡರ್ಸನ್‌ 4 ವಿಕೆಟ್ ಕಬಳಿಸಿದರು.