ಮತ್ತೊಂದು ಸ್ಟೈಲಿಶ್‌ ಲುಕ್‌‌‌ ಮೂಲಕ ಸಕತ್‌‌ ಸದ್ದು ಮಾಡುತ್ತಿದ್ದಾರೆ ಮಹೀ

•   Sat, Jun 26 2021 03:35:56 PM



• ಮುಂಬೈ, ಜೂ 26 (DaijiworldNews/PY): ಟೀಂ ಇಂಡಿಯಾದ ಮಾಜಿ ಕ್ರಿಕೆಟಿಗ ಮಹೀಂದ್ರ ಸಿಂಗ್‌ ಧೋನಿ ಅವರು ವಿವಿಧ ಸ್ಟೈಲಿಶ್‌ ಲುಕ್‌ ಮೂಲಕ ಸದ್ದು ಮಾಡುತ್ತಿರುತ್ತಾರೆ. ಇದೀಗ ಧೋನಿ ಮೀಸೆ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್‌‌ ಆಗಿದೆ.

  

  ಐಪಿಎಲ್‌ ರದ್ದಾದ ನಂತರ ಪ್ರಸ್ತುತ ಧೋನಿ ಅವರು ಕುಟುಂಬದೊಂದಿಗೆ ಶಿಮ್ಲಾದಲ್ಲಿ ರಜೆಯಲ್ಲಿದ್ದಾರೆ. ಕೆಲ ದಿನಗಳ ಹಿಂದೆ ಧೋನಿ ತಮ್ಮ ಮಗಳೊಂದಿಗಿದ್ದ ಫೋಟೋಗಳು ವೈರಲ್‌ ಆಗಿದ್ದವು.

  ಧೋನಿ ನಾಯಕತ್ವದಲ್ಲಿರುವ ಚೆನ್ನೈ ಸೂಪರ್‌ ಕಿಂಗ್ಸ್‌‌ ತಂಡವು ಧೋನಿ ಅವರ ನ್ಯೂ ಲುಕ್‌ನ ಫೋಟೋವನ್ನು ತಮ್ಮ ಟ್ವಿಟ್ಟರ್‌‌ ಖಾತೆಯಲ್ಲಿ ಹಂಚಿಕೊಂಡಿದೆ. ಸಿಎಸ್‌ಕೆ ಹಂಚಿಕೊಂಡಿರುವ ಧೋನಿ ಮೀಸೆ ಬಿಟ್ಟಿರುವ ಈ ಫೋಟೋದಲ್ಲಿ ಧೋನಿ ಅವರು ಮರದಿಂದ ತಯಾರಾದ ಹೋಟೆಲ್‌ ಬಳಿ ನಿಂತಿದ್ದಾರೆ. ಅಲ್ಲಿನ ಒಂದು ಮರದ ತುಂಡಿನ ಮೇಲೆ ಗಿಡಗಳನ್ನು ನೆಡಿ ಹಾಗೂ ಅರಣ್ಯವನ್ನು ರಕ್ಷಿಸಿ ಎಂದು ಬರೆಯಲಾಗಿದೆ. ಇನ್ನು ಧೋನಿ ಅವರ ಈ ಫೋಟೋಕ್ಕೆ ನೆಟ್ಟಿಗರು ವಿವಿಧ ರೀತಿಯಲ್ಲಿ ಕಮೆಂಟ್‌ಗಳನ್ನು ನೀಡುತ್ತಿದ್ದಾರೆ.

  ಕೊರೊನಾ ಬಿಕ್ಕಟ್ಟಿನ ಕಾರಣದಿಂದ ಮುಂದೂಡಲ್ಪಟ್ಟಿರುವ ಐಪಿಎಲ್‌-2021 ಸೆಪ್ಟೆಂಬರ್‌-ಅಕ್ಟೋಬರ್‌‌‌ ಮಧ್ಯೆ ಯುಎಇಯಲ್ಲಿ ನಡೆಯಲಿದೆ ಎಂದು ಕೆಲ ದಿನಗಳ ಹಿಂದೆ ಬಿಸಿಸಿಐ ಹೇಳಿದೆ.

  Planting the right thoughts! 💛
  Thala 😍#WhistlePodu #Yellove 🦁 pic.twitter.com/rbZmSwGA2n

  — Chennai Super Kings - Mask P😷du Whistle P🥳du! (@ChennaiIPL) June 25, 2021