ವಿಶ್ವನಾಥನ್ ಆನಂದ್ ವಿರುದ್ದ ನಟ ಕಿಚ್ಚ ಸುದೀಪ್‌‌‌‌‌‌ ಚೆಸ್‌ ಆಟ

•   Sat, Jun 12 2021 11:40:27 AM



• ಬೆಂಗಳೂರು, ಜೂ 12 (DaijiworldNews/PY):‌ ಚೆಸ್‌ ಗ್ರ್ಯಾಂಡ್‌ಮಾಸ್ಟರ್ ವಿಶ್ವನಾಥನ್ ಆನಂದ್ ಅವರ ವಿರುದ್ದ ನಟ ಕಿಚ್ಚ ಸುದೀಪ್‌‌‌‌‌‌ ಚೆಸ್‌ ಸ್ಪರ್ಧೆಯಲ್ಲಿ ಪಾಲ್ಗೊಳ್ಳಲಿದ್ದಾರೆ.

  

  ಜೂನ್‌‌ 13ರಂದು ನಡೆಯಲಿರುವ ಈ ಪಂದ್ಯದಲ್ಲಿ ಬಾಲಿವುಡ್‌ ನಟ ಸಾಮ್ರಾಟ್‌ ಅಮೀರ್‌ ಖಾನ್‌, ಬಹುಭಾಷಾ ತಾರೆ, ಕರ್ನಾಟಕದ ಖ್ಯಾತ ನಟ ಕಿಚ್ಚ ಸುದೀಪ್‌ ಕೂಡಾ ಭಾಗವಹಿಸಲಿದ್ದಾರೆ. ಇವರ ಜೊತೆ ನಟ ರೀತೇಶ್‌ ದೇಶಮುಖ್‌, ಗಾಯಕ ಅರಿಜಿತ್‌ ಸಿಂಗ್‌, ಗಾಯಕಿ ಅನನ್ಯಾ ಬಿರ್ಲಾ, ಕ್ರಿಕೆಟಿಗ ಯಜುವೇಂದ್ರ ಚಹಲ್‌, ಶಿಯೋಮಿ ಇಂಡಿಯಾದ ಸಿಇಒ ಮನುಕುಮಾರ್‌ ಜೈನ್‌, ಝೆರೊಧ ಸಹಸಂಸ್ಥಾಪಕ ನಿಖಿಲ್‌ ಕಾಮತ್‌, ನಿರ್ಮಾಪಕ ಸಾಜಿದ್‌ ನಾಡಿಯವಾಲ, ಪ್ರಚುರ ಪದಕಣ್ಣಯ್ಯ ಕೂಡಾ ಆಡಲಿದ್ದಾರೆ.

  ಕೊರೊನಾದಿಂದ ಸಂಕಷ್ಟದಲ್ಲಿರುವವರಿಗೆ ನೆರವಾಗುವ ನಿಟ್ಟಿನಲ್ಲಿ ವಿಶ್ವನಾಥನ್‌ ಆನಂದ್‌‌ ಅವರು ಇತರೆ ಕೆಲ ಸೇವಾ ಸಂಸ್ಥೆಗಳೊಂದಿಗೆ ಕೈಜೋಡಿಸಿ ಸೆಲೆಬ್ರಿಟಿಗಳ ವಿರುದ್ದ ಚೆಸ್‌ ಆಡಲಿದ್ದಾರೆ. ಈ ಮೂಲಕ ದೇಣಿಗೆ ಸಂಗ್ರಹ ಮಾಡಲಿದ್ದಾರೆ.

  ಅಕ್ಷಯಪಾತ್ರಾ ಫೌಂಡೇಶನ್‌‌‌, ಚೆಸ್‌‌.ಕಾಮ್‌‌‌‌, ಎಕ್ಸ್‌‌‌ಸೆಟರಾ ಟ್ಯಾಲೆಂಟ್‌‌‌‌ ಮ್ಯಾನೇಜ್‌‌ಮೆಂಟ್‌ ಸಹಯೋಗದಲ್ಲಿ ಈ ಕಾರ್ಯಕ್ರಮ ನಡೆಯಲಿದ್ದು, ಚೆಸ್‌.ಕಾಮ್‌‌‌‌ನ ಅಧಿಕೃತ ಯೂಟ್ಯೂಬ್‌‌‌ ವಾಹಿನಿಯಲ್ಲಿ ಈ ಕಾರ್ಯಕ್ರಮ ನೇರಪ್ರಸಾರಗೊಳ್ಳಲಿದೆ.